- Кёлсюзден сёзсюз тууар.
- Этни да ашады, бетни да ашады.
- Тамырсыз терекге таянма – джыгъылырса.
- Биреу къой излей, биреу той излей.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач, тоймам, дейди, тойгъан, ач болмам, дейди.
- Термилгенинги табмазса, кюлгенинге тюберсе.
- Намыс болмагъан джерде, насыб болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къошда джокъгъа – юлюш джокъ.
- Кенгеш болса, уруш болмаз.
- Тилчи бир сагъатха айлыкъ хата этер.
- Ата джурт – алтын бешик.
- Сакъ юйюне сау барыр.
- Ауурну тюбю бла, дженгилни башы бла джюрюген.
- Джукъу тёшек сайламайды.
- Этни бети бла шорпасы.
- Чалманны аллы къалай башланса, арты да алай барады.
- Битмегеннге сакъал – танг.
- Таш ата билмеген, башына урур.
- Иги адамны бир сёзю эки болмаз.
- Арпа, будай – ащды, алтын, кюмюш а – ташды.
- Джылкъыдан – ат чыгъар, тукъумдан – джаш чыгъар.
- Айранны сюйген, ийнек тутар.
- Ач – эснер, ат – кишнер.
- Джашынгы кесинг юретмесенг, джашау юретир.
- Кюл тюбюндеги от кёрюнмейди.
- Чыбыкълыкъда бюгюлмеген, къазыкълыкъда бюгюлмей эди.
- Джырына кёре эжиую.
- Кёбден умут этиб, аздан къуру къалма.
- Ханы къызы буюгъа-буюгъа киштик болду.
- Игиге айтсанг – билир, аманнга айтсанг – кюлюр.
- Чомарт джарлы болмаз.
- Аман адамны тепсинге олтуртсанг, къызынгы тилер.
- Ишге юренсин къоллары, халкъ бла болсун джоллары.
- Бастасын ашагъан, хантусун да ичер.
- Джашлыкъ этмеген, башлыкъ этмез.
- Сабыр джетер муратха, сабырсыз къалыр уятха.
- Окъумагъан сокъурду, сокъур ташха абыныр!
- Къызны минг тилер, бир алыр.
- От этилмеген джерден тютюн чыкъмайды.
- Уллу къазанда бишген эт, чий къалмаз.
- Кийимни бир кюнню аясанг, минг кюннге джарар.
- Агъач халкъгъа алтынды, иссиликге салкъынды.
- Джарлы эскисин джамаса, къууаныр.
- Узун джолну барсанг, бюгюн келирсе, къысха джолну барсанг, тамбла келирсе.
- Ышармагъан – кюлмез, кюлмеген – къууанчны билмез.
- Джолда аягъынга сакъ бол, ушакъда тилинге сакъ бол.
- Дууулдаса – бал чибин, къонса – къара чибин.
- Къарнынг бла ёч алма.
ЭЛЕКТРОН БИБЛИОТЕКАНЫ ЮСЮНДЕН
26.02.2010 16:10:53
|
|
|
|
26.02.2010 16:48:11
EL_HALED
Аллейкум салам. Сен келтирген юлгюде, тюз ангылагъан эсем, ала джазылгъан китабланы тюземей эдиле да? Кеслери джаза эдиле джангы китабла алайды деб. |
|
|
|
26.02.2010 18:18:39
Azamat_SPb
Айтханым кюлгенни юсюнденди ол алгъаракъ жазылгъан затлагъа. |
|
|
|
23.04.2010 01:51:54
Sabr
анга эс бурабыз. Алай, бир бир китабла интернетде табылыб салыннгандыла да, аны ючюндю алай. |
|
|
|
06.08.2010 02:34:44
Sabr
Суратлары бар эсе китабны фотошоп деген программа бла сканировать этеме. Алай болмаса уа...халат кёб болса да, сканировать этгенден сора тюзетеме. |
|
|
|
14.03.2011 01:31:24
http://taulit.as-alan.com/start/?page_id=37#bilal
Бу электрон кютюпханеде болгъан "Кардеш калемлер" журналны да "Эльбрусоид" кесини библиотекасына салса иги болур: анда "Эльбрусоид" чыгъаргъан Антологиядан да хапар айтылады. |
|
|
|
14.03.2011 07:11:24
ГОСТ бла этилсе, былай боллукъду:
Джырчы Сымайыл. Джырла бла Назмула / Составитель, редактор и автор предисловия Билал Лайпанов. - Москва: Инсан, 1992. ISBN 5-85840-259-3 |
|
|
|
14.03.2011 17:02:49
Sibilchi
"Эльбрусоидни" электрон библиотекасына къараучула Сени профессионал сёзюнге эс бурлукъ болурла. |
|
|
|
Читают тему (гостей: 2)