Эльбрусоид :: Эльбрусоид

Мен да «сен», дейме, сен да «кесим», дейсе.
Билимли ёлмез, билимсиз кёрмез.
Адебсиз адам – джюгенсиз ат.
Чомарт къонакъ юй иесин сыйлар.
Ёгюзню мюйюзюнден тутадыла, адамны сёзюнден тутадыла.
Эри аманны, къатыны – аман.
Тюз сёз баргъан сууну тыяр.
Бети бедерден, намыс сакълама.
Тёрде – темир таякълы, къаяда – чыпчыкъ аякълы.
Эринчекге кюн узун.
Къарыусузгъа кюлме, онгсузгъа тийме.
Джаш болсун, къыз болсун, акъылы, саны тюз болсун.
Намыс сатылыб алынмайды.
Башда акъыл болмаса, эки аякъгъа кюч джетер.
Бал – татлы, балдан да бала – татлы.
Адамны джюреги нени кёрюрге сюйсе, кёзю да аны кёрюрге ёч болады.
Кюн кёрмеген, кюн кёрсе, кюндюз чыракъ джандырыр.
Игилик игилик бла сингдирилиучю затды.
Джырына кёре эжиую.
Къызны минг тилер, бир алыр.
Джан саулукъ бермей, сан саулукъ бермезсе.
Ач отунчуну ачыуу – бурнунда.
Арба аугъандан сора, джол кёргюзтюучю кёб болур.
Къулакъдан эсе, кёзге ышан.
Иесиз малны бёрю ашар.
Сакъламагъан затынга джолукъсанг, не бек къууанаса, не бек ачыйса.
Бичгенде ашыкъма, тикгенде ашыкъ.
Ишлегенден, къарагъан уста.
Ата – баланы уясы.
Булут кёкге джарашыу, уят бетге джарашыу.
Биреу ашаб къутулур, биреу джалаб тутулур.
Джолда аягъынга сакъ бол, ушакъда тилинге сакъ бол.
Чабакъ башындан чирийди.
Ишленмеклик адамлыкъды.
Эшекге миннген – биринчи айыб, андан джыгъылгъан – экинчи айыб.
Кюн – узун, ёмюр – къысха.
Джогъун бар этген, барын бал этген.
Акъыллы – эл иеси, тели – эл баласы.
Гитче джилтин уллу элни джандырыр.
Джюрек кёзден алгъа кёрюр.
Киштикге къанат битсе, чыпчыкъ къалмаз эди.
Джыланны къуйругъундан басарынг келсе, аны башы болгъанын унутма.
Халкъгъа джарагъан, джарлы къалмаз.
Чомарт бергенин айтмаз.
Терек ауса, отунчу – кёб.
Къайгъы тюбю – тенгиз.
Ашыкъгъанны этеги бутуна чырмалыр.
Биреуню тёрюнден, кесинги эшик артынг игиди.
Биреуню къыйынлыгъы бла кесинге джол ишлеме.
Кёб ант этген, кёб ётюрюк айтыр.