- Ойнай билмеген, оюн бузар.
- Эл бла кёргенинг эрелей.
- Эки итни арасына сюек атма, эки адамны арасында сёз чыгъарма.
- Экеу тутушса, биреу джыгъылыр.
- Асхат ашлыкъ сата, юйдегиси ачдан къата.
- Билим ат болуб да чабар, къуш болуб да учар.
- Тёрени джагъы джокъ.
- Ач келгенни – тойдур, кеч келгенни – къондур.
- Джангызны оту джарыкъ джанмаз!
- Сагъышы джокъ – джукъучу, акъылы джокъ – къаугъачы.
- Айырылгъанланы айю ашар, бёлюннгенлени бёрю ашар.
- Билимден уллу байлыкъ джокъду.
- Эски джаугъа ышанма.
- Кесинг сынамагъан затны, адамгъа буюрма.
- Ашыкъгъанны этеги бутуна чырмалыр.
- Ёзденликни кёбю ётюрюк.
- Шапа кёб болса, аш татымсыз болур.
- Джумушакъ терекни къурт ашар.
- Башланнган иш битер, къымылдагъан тиш тюшер.
- Ата джурт – алтын бешик.
- Келинин тута билмеген, къул этер, къызын тута билмеген, тул этер.
- Ёлген аслан – сау чычхан.
- Чакъырылмагъан джерге барма, чакъырылгъан джерден къалма.
- Сыфатында болмагъаны, суратында болмаз.
- Ата – баланы уясы.
- Хар зат кесини орнуна иги.
- Аурууну келиую тынч, кетиую – къыйын.
- Юре билмеген ит, къонакъ келтирир.
- Малны кют, джерни тюрт.
- Чомарт къолда мал къалмаз.
- Эр абынмай, эл танымаз.
- Аманнга да, игиге да оноусуз къатышма.
- Рысхы джалгъанды: келген да этер, кетген да этер.
- Ётюрюк хапар аякъ тюбю бла джюрюйдю.
- Хаухну атма, ёнгкючню сатма.
- Тау башында, тау болмаз, джангыз терек, бау болмаз.
- Адамны сабийин сюйген джюреги, бычакъча, джитиди.
- Ана – юйню кюн джарыгъы.
- Кёб къычыргъандан – къоркъма, тынч олтургъандан – къоркъ.
- Бетинги сатма, малынгы сат.
- Минг тенг да азды, бир джау да кёбдю.
- Бир онгсуз адам адет чыгъарды, деб эштирик тюлсе.
- Къайгъыны сюйген, къайгъы табар.
- Ауругъан – джашаудан умутчу.
- Чакъырылмай келген къонакъ сыйланмай кетер.
- Телиге акъыл салгъандан эсе, ёлгеннге джан салырса.
- Aдам боллукъ, сыфатындан белгили.
- Ач бёрюге мекям джокъ.
- Тойгъандан сора, ашны сёкме.
- Кёрмегеннге кебек – танг, битмегеннге сакъал – танг.