- Эрине къаргъыш этген къатын, эрнин къабар.
- Бал – татлы, балдан да бала – татлы.
- Агъач халкъгъа алтынды, иссиликге салкъынды.
- Ашарыкъда сайлагъаннга – чий гырджын.
- Ауругъаннга – кийик саулукъ, джетген къызгъа – чилле джаулукъ.
- Джарлы тюеге минсе да, ит къабар.
- Алма терегинден кери кетмез.
- Урама да – ёледи, сатама да – келеди.
- Къызын тута билмеген, тул этер, джашын тута билмеген, къул этер.
- Къартны бурнун сюрт да, оноугъа тут.
- Шайтан алдады, тюзлюк къаргъады.
- Аджашханны ызындагъы кёреди, джангылгъанны джанындагъы биледи.
- Уллу сёлешме да, уллу къаб.
- Кийиминг бла танылма, адамлыкъ бла таныл.
- Кёз – сюйген джерде, къол – ауругъан джерде.
- Эр сокъур болсун, къатын тилсиз болсун.
- Игини сыйлагъан адетди.
- Байдан умут эте, джарлыдан ёгюз багъасы къорады.
- Нарт сёз къарт болмаз.
- Эртде тургъан бла эртде юйленнген сокъуранмаз.
- Аллахдан тилесенг, кёб тиле.
- Джарлы джети элни сёзюн этер.
- Ашхы адам – халкъ байлыгъы, ашхы джер – джашау байлыгъы.
- Чомарт джарлы болмаз.
- Аман адамны тепсинге олтуртсанг, къызынгы тилер.
- Ишленмеген джаш – джюгенсиз ат, ишленмеген къыз – тузсуз хант.
- Сакъламагъан затынга джолукъсанг, не бек къууанаса, не бек ачыйса.
- Кёзю сокъурдан – къоркъма, кёлю сокъурдан – къоркъ.
- Ач, тоймам, дейди, тойгъан, ач болмам, дейди.
- Ариу сёз джыланны орнундан чыгъарыр.
- Ашыкъгъанны этеги бутуна чырмалыр.
- Тели турса – той бузар.
- Акъдан къара болмаз.
- Уясында не кёрсе, учханында аны этер.
- Намысы болмагъанны, сыйы болмаз.
- Ушамагъан – джукъмаз.
- Тай асырагъан, атха минер.
- Тил бла келеди джыр да.
- Мал ёлсе, сюек къалыр, адам ёлсе, иши къалыр.
- Магъанасыз сёз – тауушсуз сыбызгъы.
- Къыз чыгъаргъан – къызыл къымжа.
- Баш – акъыл ючюн, акъылман – халкъ ючюн.
- Хунаны тюбюн къазсанг, юсюнге ауар.
- Адам сёзюнден белгили.
- Джашны джигитлиги сорулур, къызны джигерлиги сорулур.
- Суугъа – чабакъ, къаягъа – ыргъакъ.
- Биреуге аманлыкъны тилеме да, кесинге ашхылыкъны тиле.
- Хар сёзню орну барды.
- Къумурсхала джыйылсала, пилни да джыгъадыла.
- Урунуу – насыбны анасы.