Эльбрусоид :: Эльбрусоид

Аз сёлешген, къайгъысыз турур.
Суугъа – чабакъ, къаягъа – ыргъакъ.
Экеулен сёлеше тура эселе, орталарына барыб кирме.
Кенгеш болса, уруш болмаз.
Сабийликде юретмесенг, уллу болса – тюзелмез.
Акъыллы айтыр эди, акъылсыз къоймайды.
Керек ташны ауурлугъу джокъ.
Джиби бир къат джетмей эди да, эки къат тарта эди.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кёбню кёрген – кёб билир.
Иги бла джюрюсенг, джетерсе муратынга, аман бла джюрюсенг, къалырса уятха.
Ашхы сёз таш тешер.
Айтхан сёзюне табылгъан.
Ургъан суудан башынгы сакъла.
Окъ къызбайны джокълайды.
Таукелге нюр джауар.
Билген билмегенни юретген адетди.
Эркиши – от, тиширыу – суу.
Алгъанда – джууукъ, бергенде – джау.
Суу кетер, таш къалыр.
Джылыгъа джылан илешир.
Ач къалгъандан, кеч къалгъан къолай.
Телиге акъыл салгъандан эсе, ёлгеннге джан салырса.
Адам бла мюлк юлешмеген эсенг, ол адамны билиб бошагъанма, деб кесинги алдама.
Сагъышы джокъ – джукъучу, акъылы джокъ – къаугъачы.
Ариу сёз – къылычдан джити.
Ишленмеген джаш – джюгенсиз ат, ишленмеген къыз – тузсуз хант.
Келинин тута билмеген, къул этер, къызын тута билмеген, тул этер.
Эр сокъур болсун, къатын тилсиз болсун.
Адамны адамлыгъы къыйынлыкъда айгъакъланады.
Ётюрюкню башын керти кесер.
Хоншуну тауугъу къаз кёрюнюр, келини къыз кёрюнюр.
Тюзню ётмеги тюзде къалса да, тас болмаз.
Байлыкъдан саулукъ ашхыды.
Кёзден кетген, кёлден да кетеди.
Аманны къуугъан, аманлыкъ табар.
Джеринден айырылгъан – джети джылар, джуртундан айырылгъан – ёлгюнчю джылар.
Чакъырылмагъан джерге барма, чакъырылгъан джерден къалма.
Кийимни бичсенг, кенг бич, тар этген къыйын тюлдю.
Чомарт джарлы болмаз.
Биреуню къыйынлыгъы бла кесинге джол ишлеме.
Къуллукъчума, деб махтанма, къуллукъ – хаух джамчыды!
Уллу атлама – абынырса, уллу къабма – къарылырса.
Мураты болгъанны джюрек тебюую башхады.
Бал – татлы, балдан да бала – татлы.
Джигер – джаннга къыйынлыкъ.
Кийиминг бла танылма, адамлыкъ бла таныл.
Ачыкъ джюрекге джол – ачыкъ.
Бал ашаргъа сюе эсенг, чибин ургъаннга тёз.
Тёзген – тёш ашар!