- Ишлерге уял да, ашаргъа табма.
- Артына баргъанны, къатына барма.
- Харам къарнашдан, халал тенг ашхы.
- Аш иеси бла татлыды.
- Ашлыкъны арба юйге келтирир, чана базаргъа элтир.
- Билим насыб берир, билим джолну керир.
- Аз сёлешген, къайгъысыз турур.
- Юй ишлеген балта эшикде къалыр.
- Джаханимни кёрмей, джандетге кёл салмазса.
- Тыш элде солтан болгъандан эсе, кесинги элде олтан болгъан игиди!
- Телиге от эт десенг, юйюнге от салыр.
- Билмейме деген – бир сёз
- Аджашхан тёгерек айланыр.
- Гугурук къычырмаса да, тангны атары къалмаз.
- Накъырданы арты керти болур.
- Кёлсюзден сёзсюз тууар.
- Иесиз малны бёрю ашар.
- Аллахдан тилесенг, кёб тиле.
- Ач – эснер, ат – кишнер.
- Киштикге къанат битсе, чыпчыкъ къалмаз эди.
- Бал – татлы, балдан да бала – татлы.
- Тойгъа алгъа да барма, тойда артха да къалма.
- Адеб этмеген, адеб кёрмез.
- Олтуруб кёрюнмей эди да, ёрге туруб кёрюне эди.
- Адам къыйынлыгъын кёлтюрюр, зауукълугъун кёлтюрмез.
- Сакъалы текени да бар, мыйыгъы киштикни да бар.
- Къралынгы – душмандан, башынгы от бла суудан сакъла.
- Аманны тукъумуна къарама, игини тукъумун сорма.
- Тойгъанлыкъ къойгъа джарашады.
- Кенгеш болса, уруш болмаз.
- Тойгъа барсанг, тоюб бар, эски тонунгу къоюб бар.
- Ёлген эшек бёрюден къоркъмайды.
- Тойну къарнашы – харс, джырны къарнашы – эжиу.
- Алгъанда – джууукъ, бергенде – джау.
- Ариу – кёзге, акъыл – джюрекге.
- Эки къатын алгъан – эки ташны ортасына башын салгъан.
- Сёз къанатсыз учар.
- Арбаз къынгырды да, ийнек сауалмайма.
- Къатыны харакетли болса, эри къымсыз болур.
- Къоркъакъны кёзю экили кёрюр.
- Ышармагъан – кюлмез, кюлмеген – къууанчны билмез.
- Ётюрюкню башын керти кесер.
- Джаным-тиним – окъуу, билим.
- Къар – келтирди, суу – элтди.
- Окъуусуз билим – джокъ, билимсиз кюнюнг – джокъ.
- Келинин тута билмеген, къул этер, къызын тута билмеген, тул этер.
- Джумушакъ сёз къаты таякъны сындырыр.
- Ашхы адам – халкъ байлыгъы, ашхы джер – джашау байлыгъы.
- Билген билмегенни юретген адетди.
- Бюгюн дуния кибик, тамбла ахыратды.
|
Felice
|
