- Джюрекден джюрекге джол барды.
- Керек ташны ауурлугъу джокъ.
- Кёл ашады да, кеси ашады.
- Ётюрюкню къуйругъу – бир тутум.
- Иги бла джюрюсенг, джетерсе муратынга, аман бла джюрюсенг, къалырса уятха.
- Арбаз сайлама да, хоншу сайла.
- Ётюрюкден тюбю джокъ, кёлтюрюрге джиби джокъ.
- Тау башында, тау болмаз, джангыз терек, бау болмаз.
- Сыфатында болмагъаны, суратында болмаз.
- Адам туугъан джеринде, ит тойгъан джеринде.
- Ашлыкъ – бюртюкден, джюн – тюкден.
- Ач отунчуну ачыуу – бурнунда.
- Адамны аманы адамны бети бла ойнар.
- Алтыда кюлмеген, алтмышда кюлмез.
- Минг тенг да азды, бир джау да кёбдю.
- Аш кетер да бет къалыр.
- Тилчи бир сагъатха айлыкъ хата этер.
- Ачыу алгъа келсе, акъыл артха къалады.
- Экеулен сёлеше тура эселе, орталарына барыб кирме.
- Кийиминг бла танылма, адамлыкъ бла таныл.
- Кёзю сокъурдан – къоркъма, кёлю сокъурдан – къоркъ.
- Къонакъ аман болса, къонакъбай джунчур
- Тилчи тилден къаныкъмаз.
- Кесине гебен этелмеген, биреуге черен эте эди.
- Билмегенинги, билгеннге сор.
- «Ёгюз, джаргъа джууукъ барма, меннге джюк боллукъса», - дегенди эшек.
- Эр абынмай, эл танымаз.
- Зарда марда джокъ.
- Гырджын – тепсини тамадасы.
- Баш – акъыл ючюн, акъылман – халкъ ючюн.
- Рысхы – сют юсюнде кёмюк кибикди.
- Чоюнну башы ачыкъ болса, итге уят керекди.
- Билмейме деген – бир сёз
- Джолунга кёре – джюрюшюнг, джагъанга кёре – юлюшюнг.
- Айранны сюйген, ийнек тутар.
- Къолу уллу – асыу, аягъы уллу – джарсыу.
- Таш бла ургъанны, аш бла ур.
- Юйюнгден чыкъдынг – кюнюнгден чыкъдынг.
- Окъуусуз билим – джокъ, билимсиз кюнюнг – джокъ.
- Къартха ушагъан джаш – акъыллы, джашха ушагъан къарт – тели.
- Адамгъа аман кюн соруб келмейди.
- Тёгюлген тюгел джыйылмайды.
- Зар адам ашынгы ашар, кесинги сатар.
- Гитче джилтин уллу элни джандырыр.
- Джаш къарыу бла кючлю, къарт акъыл бла кючлю.
- Сабий болмагъан джерде, мёлек болмаз.
- Чомарт къолда мал къалмаз.
- Окъдан джара эртде-кеч болса да бителир, сёз джара, ёмюрге къалыр.
- Тойгъан антын унутур.
- Аманны эки битли тону болур, бирин сеннге кийдирир, бирин кеси киер.