Навигация

Elbrusoid.org

Словарь

Таула не мийик болсала да, аууш табылыр.
Адамны артындан къара сабан сюрме.
Чабакъгъа акъыл, табагъа тюшсе келеди.
Артына баргъанны, къатына барма.
Ойнай билмеген, уруб къачар.
Элиб деген, элге болушур.
Ата Джуртча джер болмаз, туугъан элча эл болмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Тойчу джашха къарама, къойчу джашха къара.
Къар – келтирди, суу – элтди.
Хаухну атма, ёнгкючню сатма.
Асхат ашлыкъ сата, юйдегиси ачдан къата.
Эл ауузу – элек, анга ийнаннган – халек.
Акъыл бла адеб эгизледиле.
Чомартны къолу берекет.
Мал тутхан – май джалар.
Къозулугъунда тоймагъан, къойлугъунда тоймаз.
Окъ къызбайны джокълайды.
Билгенни къолу къарны джандырыр.
Адамны сабийин сюйген джюреги, бычакъча, джитиди.
Чомарт къолда мал къалмаз.
Биреу къой излей, биреу той излей.
Чабакъ башындан чирийди.
Огъурлуну сёзю – суу, огъурсузну сёзю – уу.
Эр сокъур болсун, къатын тилсиз болсун.
Кютгени беш эчки, сызгъыргъаны уа, джерни джарады.
Аман хансны – урлугъу кёб.
Аллахдан тилесенг, кёб тиле.
Тилчи тилден къаныкъмаз.
Ач къалгъандан, кеч къалгъан къолай.
Тыш элде солтан болгъандан эсе, кесинги элде олтан болгъан игиди!
Тёрде – темир таякълы, къаяда – чыпчыкъ аякълы.
Узун джолну барсанг, бюгюн келирсе, къысха джолну барсанг, тамбла келирсе.
Тенги кёбню джау алмаз, акъылы кёбню дау алмаз.
Келгинчи, къонакъ уялыр, келгенден сора, къонакъбай уялыр.
Азыкълы ат арымаз, къатыны аман джарымаз.
Билими азны – ауузунда кирит.
Аш хазыр болса, иш харам болур.
Ким бла джюрюсенг, аны кёзю бла кёрюнюрсе.
Кенгеш болса, уруш болмаз.
Телиге от эт десенг, юйюнге от салыр.
Тёрдеги кюлсе, эшикдеги ышарыр.
Башсыз урчукъ тюзюне айланмаз.
Хунаны тюбюн къазсанг, юсюнге ауар.
Келинин тута билмеген, къул этер, къызын тута билмеген, тул этер.
Джырчы ёлсе, джыры къалыр.
Чомарт бергенин айтмаз.
Суу кетер, таш къалыр.
Терслик кетер, тюзлюк джетер.
Насыблыны баласы кюн кюнден да баш болур, насыбсызны баласы, кюн кюнден да джаш болур.