Навигация

Elbrusoid.org

Словарь

Джумушакъ терекни къурт ашар.
Олтуруб кёрюнмей эди да, ёрге туруб кёрюне эди.
Тенгни тенглиги джашай барсанг билинир.
Хоншуну тауугъу къаз кёрюнюр, келини къыз кёрюнюр.
Башсыз урчукъ тюзюне айланмаз.
Аджаллыгъа окъсуз шкок атылыр.
Кенгеш болса, уруш болмаз.
Къозулугъунда тоймагъан, къойлугъунда тоймаз.
Джеринден айырылгъан – джети джылар, джуртундан айырылгъан – ёлгюнчю джылар.
Тойгъан антын унутур.
Кийимни бичсенг, кенг бич, тар этген къыйын тюлдю.
Байны оноуу, джарлыгъа джарамаз.
Тулпарлыкъ, билекден тюл – джюрекден.
Къызны минг тилер, бир алыр.
Этим кетсе да, сюегим къалыр.
Чомартха хар кюн да байрамды.
Зар адамны насыбы болмаз.
Алгъанда – джууукъ, бергенде – джау.
Джылкъыдан – ат чыгъар, тукъумдан – джаш чыгъар.
Ат да турмайды бир териде.
Эм ашхы къайын ана мамукъ бла башынгы тешер.
Биреуню къыйынлыгъы бла кесинге джол ишлеме.
Кесинге джетмегенни, кёб сёлешме.
Джырчы ёлсе, джыры къалыр.
Джашлыкъ этмеген, башлыкъ этмез.
Къан бла кирген, джан бла чыгъар.
Билеги кючлю, бирни джыгъар, билими кючлю, мингни джыгъар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Адамны адамлыгъы къыйынлыкъда айгъакъланады.
Накъырда – кертини келечиси.
Биреуню эскиси биреуге джангы болмайды.
Джауумдан сора, кюн кюйдюрюр, ётюрюкден сора, айыб кюйдюрюр.
Таукел адам тау тешер.
Къазанны башы ачыкъ болса, итге уят керекди.
Булут кёкге джарашыу, уят бетге джарашыу.
Гугурук къычырмаса да, тангны атары къалмаз.
Халкъгъа джарагъан, джарлы къалмаз.
Мал ёлсе, сюек къалыр, адам ёлсе, иши къалыр.
Керилген да, ургъан кибикди.
Кесине оноу эте билмеген, халкъына да эте билмез.
Къонагъы джокъну – шоху джокъ.
Къайгъы тюбю – тенгиз.
Айранын берсенг, челегин да къызгъанма.
Азыкълы ат арымаз, къатыны аман джарымаз.
Байны къызы баймакъ болса да, юйде къалмаз!
Ач къарным, тынч къулагъым.
Билими азны – ауузунда кирит.
Кёзю сокъурдан – къоркъма, кёлю сокъурдан – къоркъ.
Гыдай эчки суугъа къараб, мюйюзле кёрмесе, джашма алкъын, дегенди.
Бал чибинни ургъаны – ачы, балы – татлы.