Навигация

Elbrusoid.org

Словарь

Юйюнг бла джау болгъандан эсе, элинг бла джау бол.
Сабийликде юретмесенг, уллу болса – тюзелмез.
Ашхы тенг джолгъа салыр, аман тенг джолдан тайдырыр.
Ёмюрлюк шохлукъну джел элтмез.
Джюз элде джюз ёгюзюм болгъандан эсе, джюз джууугъум болсун.
Къыйынлы джети элге оноу этер.
Хантына кёре тузу, юйюне кёре къызы.
Рысхы джалгъанды: келген да этер, кетген да этер.
Ач бёрюге мекям джокъ.
Джылар джаш, атасыны сакъалы бла ойнар.
Акъылсызны джууукъгъа алма, акъыллыны кенгнге салма.
Кёбню кёрген – кёб билир.
Кёзден кетген, кёлден да кетеди.
Гыдай эчки суугъа къараб, мюйюзле кёрмесе, джашма алкъын, дегенди.
Насыб бютеу халкъны юлюшюдю.
Къралынгы – душмандан, башынгы от бла суудан сакъла.
Чакъырылмагъан къонакъ тёрге атламаз.
Кёл ашады да, кеси ашады.
Тулпарлыкъ, билекден тюл – джюрекден.
Кюлме джашха – келир башха.
Намысы джокъну – дуниясы джокъ.
Байны оноуу, джарлыгъа джарамаз.
Ушамагъан – джукъмаз.
Мал кёб болса, джууукъ кёб болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Экеу тутушса, биреу джыгъылыр.
Ашхы адам – халкъ байлыгъы, ашхы джер – джашау байлыгъы.
Иги джашны ышаны – аз сёлешиб, кёб тынгылар.
Суу кетер, таш къалыр.
Сютню башын джалагъан къутулур, тюбюн ичген тутулур.
Таукелге нюр джауар.
Адам боллукъ, атламындан белгили болур.
Къазанчы аман болса, къазаны къайнамаз.
Джарашыу сюйген – джалынчакъ.
Тели турса – той бузар.
Ана къолу ачытмаз.
Дуния малгъа сатылма, кесингден телиге къатылма.
Ёлген эшек бёрюден къоркъмайды.
Акъыллы – эл иеси, тели – эл баласы.
Башланнган иш битер, къымылдагъан тиш тюшер.
Адамны артындан къара сабан сюрме.
Элде адам къалмаса, ит тахтагъа минер.
Соргъан айыб тюлдю, билмеген айыбды.
Рысхы – сют юсюнде кёмюк кибикди.
Ариу сёз аурууунгу алыр.
Бир онгсуз адам адет чыгъарды, деб эштирик тюлсе.
Эрине къаргъыш этген къатын, эрнин къабар.
Мураты болгъанны джюрек тебюую башхады.
Эм уллу байлыкъ – джан саулукъ.
Чомартны къолу берекет.