- Адам сёзюнден белгили.
- Эл ауузу – элия.
- Огъурлуну сёзю – суу, огъурсузну сёзю – уу.
- Иги джашны ышаны – аз сёлешиб, кёб тынгылар.
- Аман къатын алгъан, арыр, иги къатын алгъан джарыр.
- Къонакъ болсанг, ийнакъ бол.
- Бет бетге къараса, бет да джерге къарар.
- Ётюрюкден тюбю джокъ, кёлтюрюрге джиби джокъ.
- Акъдан къара болмаз.
- Бермеген къол, алмайды.
- Бозанг болмагъан джерге, къалагъынгы сукъма.
- Айтылгъан буйрукъ, сёгюлмез
- Миллетни бойну – базыкъ, аны бла кюрешген – джазыкъ.
- Тура эдим джата, къайдан чыкъды хата?
- Хатерли къул болур.
- Тамырсыз терекге таянма – джыгъылырса.
- Акъыл аздырмаз, билим тоздурмаз.
- Аууз сакълагъан – джан сакълар.
- Бети бедерден, намыс сакълама.
- Джыланны къуйругъундан басарынг келсе, аны башы болгъанын унутма.
- Ач къарынны, токъ билмез
- Тилчи бир сагъатха айлыкъ хата этер.
- Сютден ауузу кюйген, суугъа юфгюре эди.
- Чабакъсыз кёлге къармакъ салгъанлыкъгъа, чабакъ тутмазса.
- Кёб джашагъан – кёб билир.
- Байлыкъ болгъан джерде, тынчлыкъ джокъду.
- Айтхан сёзюне табылгъан.
- Сескекли кесин билдирир.
- Рысхы – сют юсюнде кёмюк кибикди.
- Эки итни арасына сюек атма, эки адамны арасында сёз чыгъарма.
- Игиге айтсанг – билир, аманнга айтсанг – кюлюр.
- Ишни ахырын ойламай, аллын башлама.
- Кёбню кёрген – кёб билир.
- Урама да – ёледи, сатама да – келеди.
- Уллу атлама – абынырса, уллу къабма – къарылырса.
- Къарнынг къанлынга кийирир.
- Асхат ашлыкъ сата, юйдегиси ачдан къата.
- Киштикге къанат битсе, чыпчыкъ къалмаз эди.
- Ышармагъан – кюлмез, кюлмеген – къууанчны билмез.
- Эри аманны, къатыны – аман.
- Джарлы тюеге минсе да, ит къабар.
- Кийимни бичсенг, кенг бич, тар этген къыйын тюлдю.
- Башсыз урчукъ тюзюне айланмаз.
- Ишленмеген джаш – джюгенсиз ат, ишленмеген къыз – тузсуз хант.
- Хар адамгъа кеси миннген тау кибик.
- Аллахдан тилесенг, кёб тиле.
- Суугъа – таянма, джаугъа – ийнанма.
- Кёзюнде тереги болгъан, чёбю болгъаннга кюле эди.
- Къая джолда джортма, ачыкъ сёзден къоркъма.
- Къыз чыгъаргъан – къызыл къымжа.
Къарачай-малкъар тилден орус тилге назмуланы ким кёчюраллыкъды?
19.02.2018 03:48:42
Къара чачлы, келгеннге да игилик!)
Айшат иги кечюреди. Айшатдан иги кечюрген мен билмейме. Сенде бармыды - джокъмуду билмейме, ФБ-да менде барды в друзьях. Бери кебден бери кирмейди, анга айт да бир кер.
Я самая классная на форуме))))))))))))))
|
|
|
|
07.03.2018 17:54:59
Салам, Къара чачлы! Билмейме, бу къаламдашладан заман табыб, сау китабны кёчюраллыкъ бар эсе да. Кесинг сёлешиб кёрсенг иги болур. Нюр-Магомет Лайпанов Хыйса Джуртубаев Айшат Кущетерова Римма Магдиева Мен билмегенле да болурла. Назмуларынгы кесинг подстрочникле этсенг, орус тылмачла да табыллыкъ болурла... |
||||
|
|
|||
Читают тему (гостей: 1)