Войти на сайт
29 Марта  2024 года

 

  • Адамны джюреги нени кёрюрге сюйсе, кёзю да аны кёрюрге ёч болады.
  • Ачылгъан эт джабылыр, кёрген кёз унутмаз.
  • Джыгъылгъанны сырты джерден тоймаз.
  • Уллу къазанда бишген эт, чий къалмаз.
  • Элде адам къалмаса, ит тахтагъа минер.
  • Сескекли кесин билдирир.
  • Гугук кесини атын айтыб къычыргъанча, мен, мен деб нек тураса?
  • Сакъ юйюне сау барыр.
  • Тилчи бир сагъатха айлыкъ хата этер.
  • Таукел тауну аудурур.
  • Къарнынг къанлынга кийирир.
  • Сакъалы текени да бар, мыйыгъы киштикни да бар.
  • Иги сеники эсе да, сюйген кесимикин этеме.
  • Кийиминг бла танылма, адамлыкъ бла таныл.
  • Мени джылытмагъан кюн, меннге тиймесин!
  • Кийимни бир кюнню аясанг, минг кюннге джарар.
  • Эр абынмай, эл танымаз.
  • Аууз сакълагъан – джан сакълар.
  • Ёзденликни кёбю ётюрюк.
  • Джаз бир кюнню джатсанг, къыш талай кюнню абынырса.
  • Мухар, кеси тойса да, кёзю тоймаз.
  • Магъанасыз сёз – тауушсуз сыбызгъы.
  • Кёзню ачылгъаны – иги, ауузну джабылгъаны – иги.
  • Адебсиз адам – джюгенсиз ат.
  • Борчунг бар эсе, хурджунунга ойлаб узал.
  • Эте билген, этген этеди, эте билмеген, юретген этеди!
  • Киштикге къанат битсе, чыпчыкъ къалмаз эди.
  • Сакъламагъан затынга джолукъсанг, не бек къууанаса, не бек ачыйса.
  • Дженгил джетерикме деб, узун джолну къоюб, къысхасын барма.
  • Адамны аты башхача, акъылы да башхады.
  • Ана къойну – балагъа джандет.
  • Ашхылыкъ джерде джатмайды, аманлыкъ суугъа батмайды.
  • Мал тутхан – май джалар.
  • Насыблы элин сюер, насыбсыз кесин сюер.
  • Кёлю джокъну – джолу джокъ.
  • Иесиз малны бёрю ашар.
  • Ач да бол, токъ да бол – намысынга бек бол.
  • Ариу сёзде ауруу джокъ.
  • Къарын къуру болса, джюрек уру болур.
  • Къан бла кирген, джан бла чыгъар.
  • Кийимни бичсенг, кенг бич, тар этген къыйын тюлдю.
  • Къралынгы – душмандан, башынгы от бла суудан сакъла.
  • Хаухну атма, ёнгкючню сатма.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Джукъу тёшек сайламайды.
  • Билгенни къолу къарны джандырыр.
  • Келинни – келгинчи, бёркню кийгинчи кёр.
  • Биреуге кёлтюрген таягъынг, кесинги башынга урур.
  • Тёрде – темир таякълы, къаяда – чыпчыкъ аякълы.
  • Бети – къучакълар, джюреги – бычакълар.

 

Страницы: 1
RSS
Къарачай-малкъар тилден орус тилге назмуланы ким кёчюраллыкъды?
 
Юйлеригизге игилик!

Билген бар эсе, бир айтыгъыз.
Бизни тилден орус тилге назмуланы уста ким кёчюреди.
Ол бир- эки назму тюйюлдю, къауум китапды.
Хакъыны юсю бла келиширбиз.
"Къадарны этегинде...","Сени ючюн"...(с)
 
Къара чачлы, келгеннге да игилик!)
Айшат иги кечюреди. Айшатдан иги кечюрген мен билмейме. Сенде бармыды - джокъмуду билмейме, ФБ-да менде барды в друзьях. Бери кебден бери кирмейди, анга айт да бир кер.
Я самая классная на форуме))))))))))))))
 
Цитата
Къара чачлы пишет:
Юйлеригизге игилик!

Билген бар эсе, бир айтыгъыз.
Бизни тилден орус тилге назмуланы уста ким кёчюреди.
Ол бир- эки назму тюйюлдю, къауум китапды.
Хакъыны юсю бла келиширбиз.


Салам, Къара чачлы!

Билмейме, бу къаламдашладан заман табыб, сау китабны кёчюраллыкъ бар эсе да. Кесинг сёлешиб кёрсенг иги болур.

Нюр-Магомет Лайпанов
Хыйса Джуртубаев
Айшат Кущетерова
Римма Магдиева

Мен билмегенле да болурла. Назмуларынгы кесинг подстрочникле этсенг, орус тылмачла да табыллыкъ болурла...
Страницы: 1
Читают тему (гостей: 1)

 

Написать нам