Тура эдим джата, къайдан чыкъды хата?
Биреу ашаб къутулур, биреу джалаб тутулур.
Сабий болмагъан джерде, мёлек болмаз.
Сютден ауузу кюйген, суугъа юфгюре эди.
Биреуню эскиси биреуге джангы болмайды.
Аякъларынгы джууургъанынга кёре узат.
Акъыл къартда, джашда тюйюлдю – башдады.
Аман киши кеси юйюнде – къонакъ.
Башынга джетмегенни сорма.
Келгинчи, къонакъ уялыр, келгенден сора, къонакъбай уялыр.
Кёб джат да, бек чаб.
Къайтырыкъ эшигинги, къаты уруб чыкъма.
Ётген ёмюр – акъгъан суу.
Къумурсхала джыйылсала, пилни да джыгъадыла.
Ауругъанны сау билмез, ач къарынны токъ билмез.
Ичимден чыкъды хата, къайры барайым сата?
Аджашхан тёгерек айланыр.
Дженгил джетерикме деб, узун джолну къоюб, къысхасын барма.
Алма терегинден кери кетмез.
Ишге юренсин къоллары, халкъ бла болсун джоллары.
Ат басханны джер билед.
Джумушакъ сёз къаты таякъны сындырыр.
Чакъырылмагъан джерге барма, чакъырылгъан джерден къалма.
Джан саулукъ бермей, сан саулукъ бермезсе.
Джангыз терек къынгыр ёсер.
Тойгъандан сора, ашны сёкме.
Окъ къызбайны джокълайды.
Кёз – сюйген джерде, къол – ауругъан джерде.
Тин – байлыгъынг, терен саулугъунг.
Аман адам этегингден тутса, кес да къач.
Юй кюйдю да, кюйюз чыкъды, ортасындан тюйюш чыкъды.
Иги сёз – джаннга азыкъ, аман сёз башха – къазыкъ.
Игини сыйлагъан адетди.
Аууздан келген, къолдан келсе, ким да патчах болур эди.
Биреу къой излей, биреу той излей.
Акъылсызны джууукъгъа алма, акъыллыны кенгнге салма.
Мухар, кеси тойса да, кёзю тоймаз.
Сакъламагъан затынга джолукъсанг, не бек къууанаса, не бек ачыйса.
Татлы тилде – сёз ариу, чемер къолда – иш ариу.
Джыланны къуйругъундан басарынг келсе, аны башы болгъанын унутма.
Акъыллы эркиши атын махтар, акъылсыз эркиши къатынын махтар.
Таукелге нюр джауар.
Иши джокъну, сыйы джокъ.
Чарсда алчыны эл кёреди.
Ётюрюкню къуйругъу – бир тутум.
Къайгъы тюбю – тенгиз.
Джангыз торгъай джырламаз.
Келинин тута билмеген, къул этер, къызын тута билмеген, тул этер.
Ачылгъан эт джабылыр, кёрген кёз унутмаз.
Къонакъ аман болса, къонакъбай джунчур
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003