Джетген къыз джерли эшекни танымаз.
Арбаз къынгырды да, ийнек сауалмайма.
Терек ауса, отунчу – кёб.
Тенги кёбню джау алмаз, акъылы кёбню дау алмаз.
Туз, гырджын аша, тюзлюк бла джаша.
Тойгъа барсанг, тоюб бар, эски тонунгу къоюб бар.
Джаш къарыу бла кючлю, къарт акъыл бла кючлю.
Къартны бурнун сюрт да, оноугъа тут.
Сескекли кесин билдирир.
Киштикге къанат битсе, чыпчыкъ къалмаз эди.
Хантына кёре тузу, юйюне кёре къызы.
Дженгил джетерикме деб, узун джолну къоюб, къысхасын барма.
Этек чакъмакълары баш джаргъан, сёлешген сёзлери таш джаргъан.
Тай асырагъан, атха минер.
Къонакъ болсанг, ийнакъ бол.
Ашда уялгъан – мухар, ишде уялгъан – хомух.
Иги бла джюрюсенг, джетерсе муратынга, аман бла джюрюсенг, къалырса уятха.
Дууулдаса – бал чибин, къонса – къара чибин.
Ашлыкъны арба юйге келтирир, чана базаргъа элтир.
Кёл ашады да, кеси ашады.
Чакъырылмагъан къонакъ тёрге атламаз.
Къыз чыгъаргъан – къызыл къымжа.
Кийимни бичсенг, кенг бич, тар этген къыйын тюлдю.
Башы ишлегенни, ауузу да ишлер.
Ургъан суудан башынгы сакъла.
Къонакъны къачан кетерин сорма, къачан келлигин сор.
Байлыкъ тауусулур, билим тауусулмаз.
Ишлерге уял да, ашаргъа табма.
Къуллукъчума, деб махтанма, къуллукъ – хаух джамчыды!
Билим къая тешер.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Хар ишни да аллы къыйынды.
Джылар джаш, атасыны сакъалы бла ойнар.
Махтаннган къыз, тойда джукълар.
Джарашыу сюйген – джалынчакъ.
Эркиши – от, тиширыу – суу.
Чёбню кёлтюрсенг, тюбюнден сёз чыгъар.
Игиге айтсанг – билир, аманнга айтсанг – кюлюр.
Чомарт къонакъ юй иесин сыйлар.
Акъыллы эркиши атын махтар, акъылсыз эркиши къатынын махтар.
Къатыны харакетли болса, эри къымсыз болур.
Айтхан сёзюне табылгъан.
Гугурук къычырмаса да, тангны атары къалмаз.
Ариу сёз аурууунгу алыр.
Адамны артындан къара сабан сюрме.
Акъыллы – эл иеси, тели – эл баласы.
Айран тёгюлсе, джугъусу къалыр.
Ашхы атаны – джашы ашхы, ашхы ананы – къызы ашхы.
Юйюнг бла джау болгъандан эсе, элинг бла джау бол.
Биреуню къыйынлыгъы бла кесинге джол ишлеме.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003