Эринчекни аурууу – кёб.
Миллетни бойну – базыкъ, аны бла кюрешген – джазыкъ.
Танг атмайма десе да, кюн къоярыкъ тюйюлдю.
Байны оноуу, джарлыгъа джарамаз.
Нёгер болсанг, тенг бол, тенг болмасанг, кенг бол.
Урама да – ёледи, сатама да – келеди.
Мухардан ач ычхынмаз.
Джарлыны тону джаз битер.
Мен да «сен», дейме, сен да «кесим», дейсе.
Чалманны аллы къалай башланса, арты да алай барады.
Ачыкъ джюрекге джол – ачыкъ.
Ханнга да келеди хариблик.
Къайтырыкъ эшигинги, къаты уруб чыкъма.
Бетинги сатма, малынгы сат.
Чабакъсыз кёлге къармакъ салгъанлыкъгъа, чабакъ тутмазса.
Болджал ишни бёрю ашар.
Намысы болмагъанны, сыйы болмаз.
Орну джокъну – сыйы джокъ.
Тау башында, тау болмаз, джангыз терек, бау болмаз.
Тойгъанлыкъ къойгъа джарашады.
Адеб этмеген, адеб кёрмез.
Айтханы чапыракъдан ётмеген.
Аманны тукъумуна къарама, игини тукъумун сорма.
Малны кют, джерни тюрт.
Башынга джетмегенни сорма.
Аякъларынгы джууургъанынга кёре узат.
Чакъырылмагъан къонакъ тёрге атламаз.
Урунуу – насыбны анасы.
Къонакъ кёб келюучю юйню, къазаны отдан тюшмез.
Бир онгсуз адам адет чыгъарды, деб эштирик тюлсе.
Атлыны ашхысы, ат тизгининден билинир
Бек анасы джыламаз.
Джарлыны эшигин махтагъан джабар.
Чомартны къолу берекет.
Джюрекден джюрекге джол барды.
Кесине оноу эте билмеген, халкъына да эте билмез.
Рысхы – насыбха къор.
Ишни аллы бла къууанма да, арты бла къууан.
Таш ата билмеген, башына урур.
Къартны сыйын кёрмеген, къартлыгъында сыйлы болмаз.
Къарт болгъан джерде, берекет болур, сабий болгъан джерде, оюн болур.
Дуния малгъа сатылма, кесингден телиге къатылма.
Къызны минг тилер, бир алыр.
Ариу сёз джыланны орнундан чыгъарыр.
Тешик этген тынчды, аны джамагъан къыйынды.
Джашны джигитлиги сорулур, къызны джигерлиги сорулур.
Байны къызы баймакъ болса да, юйде къалмаз!
Хар адамгъа кеси миннген тау кибик.
Сагъышы джокъ – джукъучу, акъылы джокъ – къаугъачы.
Айырылмаз джууугъунга, унутмаз сёзню айтма.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003