Рысхы джалгъанды: келген да этер, кетген да этер.
Чёбню кёлтюрсенг, тюбюнден сёз чыгъар.
Арыгъан къош чамчы болур.
Чабакъ башындан чирийди.
Окъдан джара эртде-кеч болса да бителир, сёз джара, ёмюрге къалыр.
Биреуню къыйынлыгъы бла кесинге джол ишлеме.
Сууда джау джокъ, кёб сёзде магъана джокъ.
Байлыкъ келсе, акъыл кетер.
Таш бла ургъанны, аш бла ур.
Чомартны къолун джокълукъ байлар.
Джуртун къоругъан озар.
Эшекни не къадар тюйсенг да, ат болмаз.
Джарашыу сюйген – джалынчакъ.
Къонакъ болсанг, ийнакъ бол.
Малны кют, джерни тюрт.
Джаным-тиним – окъуу, билим.
Миллетни бойну – базыкъ, аны бла кюрешген – джазыкъ.
Оюмсуз атлагъан, аджалсыз ёлюр.
Аллахха ийнаннган кишини, Аллах онгдурур ишин.
Эм уллу байлыкъ – джан саулукъ.
Битмегеннге сакъал – танг.
Нарт сёз къарт болмаз.
Джаш болсун, къыз болсун, акъылы, саны тюз болсун.
Хаухну атма, ёнгкючню сатма.
Ач къарынны, токъ билмез
Эртде тургъан бла эртде юйленнген сокъуранмаз.
Келинин тута билмеген, къул этер, къызын тута билмеген, тул этер.
Туз, гырджын аша, тюзлюк бла джаша.
Эри аманны, къатыны – аман.
Накъырданы арты керти болур.
Кечеси – аяз, кюню – къыш, джарлы къаргъагъа бир аш тюш!
Арбаз къынгырды да, ийнек сауалмайма.
Джиби бир къат джетмей эди да, эки къат тарта эди.
Ичимден чыкъды хата, къайры барайым сата?
Дуния мал дунияда къалады.
Бети къызарыучу адамны, джюреги харам болмаз.
Къарнынг ауруса, ауузунгу тый
Эки элинги тыйсанг, джети элде махталырса.
Кеси юйюмде мен да ханма.
Зар адамны насыбы болмаз.
Джашны джигитлиги сорулур, къызны джигерлиги сорулур.
Ата Джуртча джер болмаз, туугъан элча эл болмаз.
Джюрек кёзден алгъа кёрюр.
Тулпарлыкъ, билекден тюл – джюрекден.
Джогъун бар этген, барын бал этген.
Ачлыкъда тары гырджын халыуадан татлы.
Ётген ёмюр – акъгъан суу.
Тай асырагъан, атха минер.
Къыз тиширыу кеси юйюнде да къонакъды.
Къонагъынгы артмагъын алма да, алгъышын ал.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003