Термилгенинги табмазса, кюлгенинге тюберсе.
Уруну арты – къуру.
Къайгъыны сюйген, къайгъы табар.
Къаллай салам берсенг, аллай джууаб алырса.
Уллу къазанда бишген эт, чий къалмаз.
Ач уят къоймаз.
Суу ичген шауданынга тюкюрме.
Тойну къарнашы – харс, джырны къарнашы – эжиу.
Аман адамны тепсинге олтуртсанг, къызынгы тилер.
Аурууну келиую тынч, кетиую – къыйын.
Тенгинг джокъ эсе – изле, бар эсе – сакъла!
Ётген ёмюр – акъгъан суу.
Ашхы – джыяр, аман – джояр.
Джашлыкъ этмеген, башлыкъ этмез.
Адам сёзге тынгыла, акъыл сёзню ангыла.
Къартны бурнун сюрт да, оноугъа тут.
Аууз сакълагъан – джан сакълар.
Тюзлюк тас болмайды.
Ашхы сёз таш тешер.
Джюрекден джюрекге джол барды.
Аманны эки битли тону болур, бирин сеннге кийдирир, бирин кеси киер.
Ата джурт – алтын бешик.
Къонакъ кёб келюучю юйню, къазаны отдан тюшмез.
Босагъагъа джууукъ орун болса, ашыгъыб тёрге озма.
Сакъ юйюне сау барыр.
Чомартха Тейри да борчлуду.
Соргъан айыб тюлдю, билмеген айыбды.
Кимни – тили, тиши онглу, кимни – къолу, иши онглу.
Келинин тута билмеген, къул этер, къызын тута билмеген, тул этер.
Къуллукъчума, деб махтанма, къуллукъ – хаух джамчыды!
Тилсиз миллет джокъ болур.
Къазанчы аман болса, къазаны къайнамаз.
Кёлю джокъну – джолу джокъ.
Кийиминг бла танылма, адамлыкъ бла таныл.
Ачыкъ джюрекге джол – ачыкъ.
Эртде тургъан бла эртде юйленнген сокъуранмаз.
Къууут – джелге, берне – бошха.
Атлыны ашхысы, ат тизгининден билинир
Акъыл сабырлыкъ берир.
Тилчи бир сагъатха айлыкъ хата этер.
Тойгъанлыкъ къойгъа джарашады.
Сакъалы текени да бар, мыйыгъы киштикни да бар.
Байлыкъ келсе, акъыл кетер.
Эрине къаргъыш этген къатын, эрнин къабар.
Сибиртки да сыйлы болду, кюрек да кюнлю болду.
Арпа, будай – ащды, алтын, кюмюш а – ташды.
Таш ата билмеген, башына урур.
Къыйынлы джети элге оноу этер.
Биреуге аманлыкъны тилеме да, кесинге ашхылыкъны тиле.
Биреуню къыйынлыгъы бла кесинге джол ишлеме.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003