Тынгылагъан тынгы бузар.
Къарнынг тойгъунчу аша да, белинг талгъынчы ишле.
Къумурсхала джыйылсала, пилни да джыгъадыла.
Таш бла ургъанны, аш бла ур.
Айраннга суу къош, телиге джол бош.
Ауругъанны сау билмез, ач къарынны токъ билмез.
Кюн – узун, ёмюр – къысха.
Намысы болмагъанны, сыйы болмаз.
Ач уят къоймаз.
Акъдан къара болмаз.
Эки итни арасына сюек атма, эки адамны арасында сёз чыгъарма.
Ишлегенден, къарагъан уста.
Суу да къайтады чыкъгъан джерине.
Эл элде бирер малынг болгъандан эсе, бирер тенгинг болсун.
Ачылгъан эт джабылыр, кёрген кёз унутмаз.
Аман адам этегингден тутса, кес да къач.
Ауругъаннга – кийик саулукъ, джетген къызгъа – чилле джаулукъ.
Сабийни джумушха джибер да, ызындан бар.
Бастасын ашагъан, хантусун да ичер.
Тюзлюк шохлукъну бегитир.
Адамны сыфатына къарама, сёзюне къара.
Керти сёзге тёре джокъ.
Урама да – ёледи, сатама да – келеди.
Башынга джетмегенни сорма.
Уллу атлама – абынырса, уллу къабма – къарылырса.
Тилде сюек болмаса да, сюек сындырыр.
Таугъа чыгъаллыкъ эсенг, тюзде къалма.
Чабакъ башындан чирийди.
Таукел тауну аудурур.
Гырджын – тепсини тамадасы.
Ишин билген, аны сыйын чыгъарады.
Ушамагъан – джукъмаз.
Ашарыкъда сайлагъаннга – чий гырджын.
Джаш къарыу бла кючлю, къарт акъыл бла кючлю.
Насыблы элин сюер, насыбсыз кесин сюер.
Аякъларынгы джууургъанынга кёре узат.
Минг тенг да азды, бир джау да кёбдю.
Ауругъан – джашаудан умутчу.
Окъугъан озар, окъумагъан тозар.
Биреуню тёрюнден, кесинги эшик артынг игиди.
Уллу къазанда бишген эт, чий къалмаз.
Къолу уллу – асыу, аягъы уллу – джарсыу.
Кюн кёрмеген, кюн кёрсе, кюндюз чыракъ джандырыр.
Айтханы чапыракъдан ётмеген.
Ашыкъгъан cуу, тенгизге джетмез.
Сёз сёзню айтдырыр.
Ата Джуртуму башы болмасам да, босагъасында ташы болайым.
Къартны сыйын кёрмеген, къартлыгъында сыйлы болмаз.
Ханнга да келеди хариблик.
Къыйынлы джети элни къайгъысын этер.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003