Азыкълы ат арымаз, къатыны аман джарымаз.
Джырчы ёлсе, джыры къалыр.
Иги адам абынса да, джангылмаз.
Окъугъанны бети джарыкъ.
Бетинги сатма, малынгы сат.
Рысхы джалгъанды: келген да этер, кетген да этер.
Кечеси – аяз, кюню – къыш, джарлы къаргъагъа бир аш тюш!
Джаным-тиним – окъуу, билим.
Малны кют, джерни тюрт.
Кёзню ачылгъаны – иги, ауузну джабылгъаны – иги.
Ана къолу ачытмаз.
Келлик заман – къартлыкъ келтирир, кетген заман – джашлыкъ ёлтюрюр.
Ишлерге уял да, ашаргъа табма.
Атадан ёксюз – бир ёксюз, анадан ёксюз – эки ёксюз.
Джарлы джети элни сёзюн этер.
Чакъырылмагъан къонакъ тёрге атламаз.
Босагъа таш юйге кирмей эди, тыбыр таш эшикге чыкъмай эди.
Аман къатын алгъан, арыр, иги къатын алгъан джарыр.
Бети къызарыучу адамны, джюреги харам болмаз.
Атлыны кёрсе, джаяуну буту талыр.
Тойну къарнашы – харс, джырны къарнашы – эжиу.
Ачыкъ джюрекге джол – ачыкъ.
Тили узунну, намысы – къысха.
Къан бла кирген, джан бла чыгъар.
Джумушакъ сёз къаты таякъны сындырыр.
Аз айтсам, кёб ангылагъыз.
Тёзген – тёш ашар!
Рысхысына кёре, джаш ёсер, къышлыгъына кёре, мал ёсер.
Чабакъсыз кёлге къармакъ салгъанлыкъгъа, чабакъ тутмазса.
Джылыгъа джылан илешир.
Аман адам этегингден тутса, кес да къач.
Тешик этген тынчды, аны джамагъан къыйынды.
Къонакъ аз олтурур, кёб сынар.
Джашынгы кесинг юретмесенг, джашау юретир.
Телини эшигин, махтау джабар.
Тиширыусуз юй – отсуз от джагъа.
Джюрек кёзден алгъа кёрюр.
Айранын берсенг, челегин да къызгъанма.
Джаралыны джастыгъында сау ёлюр.
Къатын къылыкъсыз, эр тынчлыкъсыз.
Телиге акъыл салгъандан эсе, ёлгеннге джан салырса.
Кёбню кёрген – кёб билир.
Тойгъанлыкъ къойгъа джарашады.
Къазанны башы ачыкъ болса, итге уят керекди.
Ана кёлю – балада, бала кёлю – талада.
Ётюрюкню къуйругъу – бир тутум.
Мухар, кеси тойса да, кёзю тоймаз.
Этим кетсе да, сюегим къалыр.
Ата – баланы уясы.
Къыз тиширыу кеси юйюнде да къонакъды.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003