Урама да – ёледи, сатама да – келеди.
Къатын байлыкъны сюер, эр саулукъну сюер.
Юйлю уругъа ит чабмаз.
Джумушакъ терекни къурт ашар.
Билмегенинги, билгеннге сор.
Тилсиз миллет джокъ болур.
Ишлегенден, къарагъан уста.
Чомартны къолун джокълукъ байлар.
Эки ойлашыб, бир сёлешген.
Аш хазыр болса, иш харам болур.
Зарда марда джокъ.
Бал чибинни ургъаны – ачы, балы – татлы.
Ёгюзню мюйюзюнден тутадыла, адамны сёзюнден тутадыла.
Эртде тургъан джылкъычыны эркек аты тай табар.
Джаханимни кёрмей, джандетге кёл салмазса.
Чомартха Тейри да борчлуду.
Ауругъан – джашаудан умутчу.
Татлы тилде – сёз ариу, чемер къолда – иш ариу.
Азыкъ аз болса, эртде орун сал.
Къулакъдан эсе, кёзге ышан.
Къанны къан бла джуума, аманны аман бла къуума.
Джангыз торгъай джырламаз.
Чабакъ башындан чирийди.
Шекер бла туз – бир болмаз, ушамагъан – юй болмаз.
Халкъны юйю – туугъан джери.
Эл элде бирер малынг болгъандан эсе, бирер тенгинг болсун.
Къалгъан ишге къар джауар.
Аджашхан тёгерек айланыр.
Башсыз урчукъ тюзюне айланмаз.
Ёксюзню тилеги къабыл болур.
Бичгенде ашыкъма, тикгенде ашыкъ.
Тёрде – темир таякълы, къаяда – чыпчыкъ аякълы.
Адамны бетине къарама, адетине къара.
Ёпкелегенни ашы татлы болады.
Башы ишлегенни, ауузу да ишлер.
Адамны аманы адамны бети бла ойнар.
Ана кёлю – балада, бала кёлю – талада.
Джаралыны джастыгъында сау ёлюр.
Джылар джаш, атасыны сакъалы бла ойнар.
Зар адам ашынгы ашар, кесинги сатар.
Аш иеси бла татлыды.
Джашлыкъ этмеген, башлыкъ этмез.
Тамчы таш тешер.
Кюн – узун, ёмюр – къысха.
Мал кёб болса, джууукъ кёб болур.
Ата Джуртун танымагъан, атасын да танымаз.
Кимни – тили, тиши онглу, кимни – къолу, иши онглу.
Кийимни бичсенг, кенг бич, тар этген къыйын тюлдю.
Ишленмеген джаш – джюгенсиз ат, ишленмеген къыз – тузсуз хант.
Адеби болмагъан къыз – тузсуз хант.
) :smt127
если не ошибаюсь получается - [b:1d8293deb1]MirikimiriNakatoMirime [/b:1d8293deb1] :smt003