Айтхан сёзюне табылгъан.
Игилик игилик бла сингдирилиучю затды.
Иги – алгъыш этер, аман – къаргъыш этер.
Эте билген, этген этеди, эте билмеген, юретген этеди!
Джашынгы кесинг юретмесенг, джашау юретир.
Суугъа – таянма, джаугъа – ийнанма.
Тилде сюек болмаса да, сюек сындырыр.
Кёкдеги болмаса, джердегин кёрмейди.
Огъурлуну сёзю – суу, огъурсузну сёзю – уу.
Бети – къучакълар, джюреги – бычакълар.
Ана кёлю – балада, бала кёлю – талада.
Гырджын – тепсини тамадасы.
«Ёгюз, джаргъа джууукъ барма, меннге джюк боллукъса», - дегенди эшек.
Эринчекни аурууу – кёб.
Эртде тургъан джылкъычыны эркек аты тай табар.
Таш бла ургъанны, аш бла ур.
Чакъырылмагъан къонакъ тёрге атламаз.
Къатын байлыкъны сюер, эр саулукъну сюер.
Билим – акъылны чырагъы.
Шапа кёб болса, аш татымсыз болур.
Уллу сёзде уят джокъ.
Къарнынг ауруса, ауузунгу тый
Чакъырылгъанны аты, чакъырылмагъанны багъасы болур.
Къая джолда джортма, ачыкъ сёзден къоркъма.
Артына баргъанны, къатына барма.
Билгенни къолу къарны джандырыр.
Бёрю да ач къалмасын, эчки да ашалмасын.
Чоюнну башы ачыкъ болса, итге уят керекди.
Ач къалгъандан, кеч къалгъан къолай.
Мухар, кеси тойса да, кёзю тоймаз.
Къуллукъчума, деб махтанма, къуллукъ – хаух джамчыды!
Тамырсыз терекге таянма – джыгъылырса.
Эринчекни эр алмаз, эр алса да, кёл салмаз, кёл салса да, кёб бармаз!
Юй кюйдю да, кюйюз чыкъды, ортасындан тюйюш чыкъды.
Атлыны ашхысы, ат тизгининден билинир
Акъылсызны джууукъгъа алма, акъыллыны кенгнге салма.
Биреуге аманлыкъны тилеме да, кесинге ашхылыкъны тиле.
Ёпкелегенни ашы татлы болады.
Ёксюзню къалачы уллу кёрюнюр.
Хантына кёре тузу, юйюне кёре къызы.
Джангыз терек къынгыр ёсер.
Термилгенинги табмазса, кюлгенинге тюберсе.
Джыгъылгъанны сырты джерден тоймаз.
Нёгер болсанг, тенг бол, тенг болмасанг, кенг бол.
Айранын берсенг, челегин да къызгъанма.
Сакъалы текени да бар, мыйыгъы киштикни да бар.
Ата – баланы уясы.
Ариуну – ауруу кёб.
Къатыны харакетли болса, эри къымсыз болур.
Айныгъанлы алты кюн, тогъайгъанлы тогъуз кюн.
