Къарнынг ауруса, ауузунгу тый
Алтыннга тот къонмаз.
Суугъа – таянма, джаугъа – ийнанма.
Аллахха ийнаннган кишини, Аллах онгдурур ишин.
Уллу суу бла уллу ауруудан башынгы сакъла.
Ат басханны джер билед.
Мураты болгъанны джюрек тебюую башхады.
Керилген да, ургъан кибикди.
Киштикге къанат битсе, чыпчыкъ къалмаз эди.
Аман адамны тепсинге олтуртсанг, къызынгы тилер.
Ач къарным, тынч къулагъым.
Эринчекни эр алмаз, эр алса да, кёл салмаз, кёл салса да, кёб бармаз!
Айныгъанлы алты кюн, тогъайгъанлы тогъуз кюн.
Бет бетге къараса, бет да джерге къарар.
Адеб джокъда, намыс джокъ.
Ёлген ийнек сютлю болур.
Татлы тилде – сёз ариу, чемер къолда – иш ариу.
Адамны артындан къара сабан сюрме.
Кёкдеги болмаса, джердегин кёрмейди.
Ургъан суудан башынгы сакъла.
Сыфатында болмагъаны, суратында болмаз.
Къозулугъунда тоймагъан, къойлугъунда тоймаз.
Биреуню тёрюнден, кесинги эшик артынг игиди.
Ач да бол, токъ да бол – намысынга бек бол.
Джарлыны эшигин махтагъан джабар.
Къолунгдан къуймакъ ашатсанг да, атаны борчундан къутулмазса.
Кёзю сокъурдан – къоркъма, кёлю сокъурдан – къоркъ.
Адеб базарда сатылмаз.
Аурууну келиую тынч, кетиую – къыйын.
Ашаса, ашамаса да, бёрюню ауузу – къан.
Джумушакъ сёз къаты таякъны сындырыр.
Чакъырылмай келген къонакъ сыйланмай кетер.
Огъурлуну сёзю – суу, огъурсузну сёзю – уу.
Таукелге нюр джауар.
Элге къуллукъ этмеген, элге ие болмаз.
Эки элинги тыйсанг, джети элде махталырса.
Булут кёкге джарашыу, уят бетге джарашыу.
Иги бла джюрюсенг, джетерсе муратынга, аман бла джюрюсенг, къалырса уятха.
Чомартха хар кюн да байрамды.
Эркиши – от, тиширыу – суу.
Шекер бла туз – бир болмаз, ушамагъан – юй болмаз.
Намыс болмагъан джерде, насыб болмаз.
Зар адам ашынгы ашар, кесинги сатар.
Айтылгъан буйрукъ, сёгюлмез
Ата – билек, ана – джюрек!
Эл ауузу – элия.
Аш кетер да бет къалыр.
Нарт сёз къарт болмаз.
Джырчы джырчыгъа – къарнаш.
Ауругъан – джашаудан умутчу.
