Келлик заман – къартлыкъ келтирир, кетген заман – джашлыкъ ёлтюрюр.
Акъыллы – эл иеси, тели – эл баласы.
Биреуню эскиси биреуге джангы болмайды.
Босагъагъа джууукъ орун болса, ашыгъыб тёрге озма.
Окъуусуз билим – джокъ, билимсиз кюнюнг – джокъ.
Тамчы таш тешер.
Aдам боллукъ, сыфатындан белгили.
Кесинг сынамагъан затны, адамгъа буюрма.
Ата Джуртун танымагъан, атасын да танымаз.
Джан саулукъ бермей, сан саулукъ бермезсе.
Сёз садакъдан кючлюдю.
Джаш болсун, къыз болсун, акъылы, саны тюз болсун.
Джыланны къуйругъундан басарынг келсе, аны башы болгъанын унутма.
Борчунг бар эсе, хурджунунга ойлаб узал.
Джаным-тиним – окъуу, билим.
Битмегеннге сакъал – танг.
Таукел адам тау тешер.
Ойнай-ойнай кёз чыгъар.
Ёнгкюч къууана барыр, джылай келир.
Кютгени беш эчки, сызгъыргъаны уа, джерни джарады.
Нарт сёз – тилни бети.
Шекер бла туз – бир болмаз, ушамагъан – юй болмаз.
Тойчу джашха къарама, къойчу джашха къара.
Аз сёлешген, къайгъысыз турур.
Джахил болса анасы, не билликди баласы?
Ата Джуртча джер болмаз, туугъан элча эл болмаз.
Бети бедерден, намыс сакълама.
Къарнынг тойгъунчу аша да, белинг талгъынчы ишле.
Бойнуму джети джерден кессенг да, мен ол ишни этеллик тюлме.
Юреннген ауруу къалмаз.
Айыбны суу бла джууалмазса.
Акъдан къара болмаз.
Биреу къой излей, биреу той излей.
Билим ат болуб да чабар, къуш болуб да учар.
Джашны джигитлиги сорулур, къызны джигерлиги сорулур.
Джогъун бар этген, барын бал этген.
Адам къыйынлыгъын кёлтюрюр, зауукълугъун кёлтюрмез.
Гугук кесини атын айтыб къычыргъанча, мен, мен деб нек тураса?
Ишлерге уял да, ашаргъа табма.
Берекет берсин деген джерде, берекет болур.
Джюрекден джюрекге джол барды.
Мал кёб болса, джууукъ кёб болур.
Эринчекге кюн узун.
Ургъан суудан башынгы сакъла.
Чёбню кёлтюрсенг, тюбюнден сёз чыгъар.
Тешик этген тынчды, аны джамагъан къыйынды.
Эл бла кёргенинг эрелей.
Айтханы чапыракъдан ётмеген.
Кёзюнде тереги болгъан, чёбю болгъаннга кюле эди.
Тели турса – той бузар.
