Бозанг болмагъан джерге, къалагъынгы сукъма.
Эл бла кёргенинг эрелей.
Ауурну тюбю бла, дженгилни башы бла джюрюген.
Джарашыу сюйген – джалынчакъ.
Къонакъ аман болса, къонакъбай джунчур
Керилген да, ургъан кибикди.
Эркишиге тары кебек танг кёрюнюр.
Чабакъгъа акъыл, табагъа тюшсе келеди.
Экеулен сёлеше тура эселе, орталарына барыб кирме.
Биреуню тёрюнден, кесинги эшик артынг игиди.
Къызын тута билмеген, тул этер, джашын тута билмеген, къул этер.
Адам боллукъ, атламындан белгили болур.
Малны кют, джерни тюрт.
Бетинги сатма, малынгы сат.
Эл ауузу – элек, анга ийнаннган – халек.
Баргъанынга кёре болур келгенинг.
Магъанасыз сёз – тауушсуз сыбызгъы.
Къонагъынгы артмагъын алма да, алгъышын ал.
Онгсузну – джакъла, тенгликни – сакъла.
Миллетни бойну – базыкъ, аны бла кюрешген – джазыкъ.
Ат да турмайды бир териде.
Къуллукъчума, деб махтанма, къуллукъ – хаух джамчыды!
Кирсизни – саны таза, халалны – къаны таза.
Акъыл сабырлыкъ берир.
Кенгеш болса, уруш болмаз.
Кёлсюзден сёзсюз тууар.
Борчунг бар эсе, хурджунунга ойлаб узал.
Ата Джуртуму башы болмасам да, босагъасында ташы болайым.
Кёзюнде тереги болгъан, чёбю болгъаннга кюле эди.
Иши джокъну, сыйы джокъ.
Уруну арты – къуру.
Акъыллы айтыр эди, акъылсыз къоймайды.
Тенги кёбню джау алмаз, акъылы кёбню дау алмаз.
Элиб деген, элге болушур.
Тиширыусуз юй – отсуз от джагъа.
Насыб бютеу халкъны юлюшюдю.
Окъумагъан сокъурду, сокъур ташха абыныр!
Адеб джокъда, намыс джокъ.
Чакъырылмагъан къонакъ къачан кетерин сормаз.
Аш иеси бла татлыды.
Аманнга алтын чыдамаз.
Адамны артындан къара сабан сюрме.
Къолунгдан къуймакъ ашатсанг да, атаны борчундан къутулмазса.
Тил джюрекге джол ишлейди.
Джауумдан сора, кюн кюйдюрюр, ётюрюкден сора, айыб кюйдюрюр.
Джаным-тиним – окъуу, билим.
Сакъламагъан затынга джолукъсанг, не бек къууанаса, не бек ачыйса.
Адамны джюреги нени кёрюрге сюйсе, кёзю да аны кёрюрге ёч болады.
Кюн – узун, ёмюр – къысха.
Нарт сёз – тилни бети.
