Мухар, кеси тойса да, кёзю тоймаз.
Джаз бир кюнню джатсанг, къыш талай кюнню абынырса.
Алтыда кюлмеген, алтмышда кюлмез.
Бети бедерден, намыс сакълама.
Тюзлюк тас болмайды.
Ат да турмайды бир териде.
Босагъа таш юйге кирмей эди, тыбыр таш эшикге чыкъмай эди.
Этим кетсе да, сюегим къалыр.
Намысы болмагъанны, сыйы болмаз.
Телини эшигин, махтау джабар.
Къыз тиширыу кеси юйюнде да къонакъды.
Суугъа – чабакъ, къаягъа – ыргъакъ.
Зар адам ашынгы ашар, кесинги сатар.
Ашда – бёрю, ишде – ёлю.
Чомартха хар кюн да байрамды.
Дуния мал дунияда къалады.
Ишлемеген – тишлемез.
Башынга джетмегенни сорма.
Эки къатын алгъан – эки ташны ортасына башын салгъан.
Таш ата билмеген, башына урур.
Берекет берсин деген джерде, берекет болур.
Айырылмаз джууугъунга, унутмаз сёзню айтма.
Кесине оноу эте билмеген, халкъына да эте билмез.
Аманны къуугъан, аманлыкъ табар.
Джарлы джети элни сёзюн этер.
Хазыр ашха – терен къашыкъ.
Байлыкъ тауусулур, билим тауусулмаз.
Келинин тута билмеген, къул этер, къызын тута билмеген, тул этер.
Сормай – алма, чакъырылмай – барма.
Джауумдан сора, кюн кюйдюрюр, ётюрюкден сора, айыб кюйдюрюр.
Гырджын – тепсини тамадасы.
Бал чибинни ургъаны – ачы, балы – татлы.
Арбаз сайлама да, хоншу сайла.
Хар адамгъа кеси миннген тау кибик.
Байдан умут эте, джарлыдан ёгюз багъасы къорады.
Къайтырыкъ эшигинги, къаты уруб чыкъма.
Эртде тургъан бла эртде юйленнген сокъуранмаз.
Ач да бол, токъ да бол – намысынга бек бол.
Баланы адам этген анады.
Тил – миллетни джаны.
Айранны сюйген, ийнек тутар.
Бал ашаргъа сюе эсенг, чибин ургъаннга тёз.
Эки элинги тыйсанг, джети элде махталырса.
Билмезни кёзю кёрмез, этмезни къулагъы эшитмез.
Акъыллы башны – тили къысха.
Тёрени джагъы джокъ.
Билимсиз иш бармаз.
Къонакъ аман болса, къонакъбай джунчур
Таякъ этден ётер, тил сюекден ётер.
Аз сёлешген, къайгъысыз турур.
