От этилмеген джерден тютюн чыкъмайды.
Гугук кесини атын айтыб къычыргъанча, мен, мен деб нек тураса?
Къартха ушагъан джаш – акъыллы, джашха ушагъан къарт – тели.
Атлыны кёрсе, джаяуну буту талыр.
Намысы джокъну – дуниясы джокъ.
Хазыр ашха – терен къашыкъ.
Оюмсуз атлагъан, аджалсыз ёлюр.
Тюз сёз баргъан сууну тыяр.
Аллахдан тилесенг, кёб тиле.
Иги сёз – джаннга азыкъ, аман сёз башха – къазыкъ.
Итли къонакъ джарашмаз.
Тил джюрекге джол ишлейди.
Мухардан ач ычхынмаз.
Зар адам ашынгы ашар, кесинги сатар.
Джарлыны эшигин махтагъан джабар.
Аджал соруб келмез, келсе, къайтыб кетмез.
«Ма», - дегенни билмесенг, «бер», - дегенни билмезсе.
Рысхысына кёре, джаш ёсер, къышлыгъына кёре, мал ёсер.
Кёл ашады да, кеси ашады.
Тёрде – темир таякълы, къаяда – чыпчыкъ аякълы.
Айран ичген – къутулду, джугъусун джалагъан – тутулду.
Ашхы болсанг, атынг чыгъар, аман болсанг, джанынг чыгъар.
Айтылгъан буйрукъ, сёгюлмез
Ауузу аманнга «иги», деме.
Игилик игилик бла сингдирилиучю затды.
Эте билген, этген этеди, эте билмеген, юретген этеди!
Баланы адам этген анады.
Чалманны аллы къалай башланса, арты да алай барады.
Харам къарнашдан, халал тенг ашхы.
Халкъны юйю – туугъан джери.
Эркиши – от, тиширыу – суу.
Адамны аманы адамны бети бла ойнар.
Къарт айтханны этмеген, къартаймаз.
Сютню башын джалагъан къутулур, тюбюн ичген тутулур.
Рысхы – насыбха къор.
Сёз къанатсыз учар.
Эл элде бирер малынг болгъандан эсе, бирер тенгинг болсун.
Къаллай салам берсенг, аллай джууаб алырса.
Биреу къой излей, биреу той излей.
Билмейме деген – бир сёз
Тура эдим джата, къайдан чыкъды хата?
Тамырсыз терекге таянма – джыгъылырса.
Джыланны къуйругъундан басарынг келсе, аны башы болгъанын унутма.
Сыфатында болмагъаны, суратында болмаз.
Чомартны къолу берекет.
Окъуусуз билим – джокъ, билимсиз кюнюнг – джокъ.
Сёз садакъдан кючлюдю.
Джукъу тёшек сайламайды.
Къар – келтирди, суу – элтди.
Хар сёзню орну барды.
