Чомартны къолун джокълукъ байлар.
Тойгъандан сора, ашны сёкме.
Байма, деб да, къууанма, джарлыма, деб да, джылама.
Ач келгенни – тойдур, кеч келгенни – къондур.
Адамны джюреги нени кёрюрге сюйсе, кёзю да аны кёрюрге ёч болады.
Къар – келтирди, суу – элтди.
Алтыннга тот къонмаз.
Къайтырыкъ эшигинги, къаты уруб чыкъма.
Къарыусузгъа кюлме, онгсузгъа тийме.
Ёнгкюч къууана барыр, джылай келир.
Булут кёкге джарашыу, уят бетге джарашыу.
Башсыз урчукъ тюзюне айланмаз.
Ётюрюкчюню шагъаты – къатында.
Тас болгъан бычакъны сабы – алтын.
Къызгъанчдан ычхыныр, мухардан ычхынмаз.
Таш бла ургъанны, аш бла ур.
Керек ташны ауурлугъу джокъ.
Тёрде – темир таякълы, къаяда – чыпчыкъ аякълы.
Тилсиз миллет джокъ болур.
Ашлыкъны арба юйге келтирир, чана базаргъа элтир.
Ариу – кёзге, акъыл – джюрекге.
Къарнынг бла ёч алма.
Джерни букъусу кёкге къонмаз.
Айтылгъан буйрукъ, сёгюлмез
Туз, гырджын аша, тюзлюк бла джаша.
Билеги кючлю, бирни джыгъар, билими кючлю, мингни джыгъар.
Байлыкъ болгъан джерде, тынчлыкъ джокъду.
Башланнган иш битер, къымылдагъан тиш тюшер.
Кёб къычыргъандан – къоркъма, тынч олтургъандан – къоркъ.
Тенгинг джокъ эсе – изле, бар эсе – сакъла!
Байлыкъ келсе, акъыл кетер.
Суугъа – чабакъ, къаягъа – ыргъакъ.
Огъурлуну сёзю – суу, огъурсузну сёзю – уу.
Итли къонакъ джарашмаз.
Акъыл бла адеб эгизледиле.
Ушамагъан – джукъмаз.
Кёбден умут этиб, аздан къуру къалма.
Къуру гыбыт бек дыгъырдар.
Баланы адам этген анады.
Сютню башын джалагъан къутулур, тюбюн ичген тутулур.
Къарнынг къанлынга кийирир.
Билимден уллу байлыкъ джокъду.
Къайгъы тюбю – тенгиз.
Къартха ушагъан джаш – акъыллы, джашха ушагъан къарт – тели.
Абынмазлыкъ аякъ джокъ, джангылмазлыкъ джаякъ джокъ.
Уллу къашыкъ эрин джыртар.
Башда акъыл болмаса, эки аякъгъа кюч джетер.
Эринчекге кюн узун.
Махтаннган къыз, тойда джукълар.
Ишлегенден, къарагъан уста.
