- Кёзюнде тереги болгъан, чёбю болгъаннга кюле эди.
- Агъач халкъгъа алтынды, иссиликге салкъынды.
- Окъугъан – асыу, окъумагъан – джарсыу.
- Кёзню ачылгъаны – иги, ауузну джабылгъаны – иги.
- Элни кючю – эмеген.
- Акъыл аздырмаз, билим тоздурмаз.
- Кёз – сюйген джерде, къол – ауругъан джерде.
- Иги адамны бир сёзю эки болмаз.
- Хантына кёре тузу, юйюне кёре къызы.
- Джюрекден джюрекге джол барды.
- Къатын къылыкъсыз, эр тынчлыкъсыз.
- Кирсизни – саны таза, халалны – къаны таза.
- Ишлерге уял да, ашаргъа табма.
- Джумушакъ сёз къаты таякъны сындырыр.
- Хатерли къул болур.
- Чакъырылгъанны аты, чакъырылмагъанны багъасы болур.
- Чабар ат – джетген къыз.
- Ишлегенден, къарагъан уста.
- Ишни аллы бла къууанма да, арты бла къууан.
- Тенгинг джокъ эсе – изле, бар эсе – сакъла!
- Чакъырылмагъан джерге барма, чакъырылгъан джерден къалма.
- Чабакъсыз кёлге къармакъ салгъанлыкъгъа, чабакъ тутмазса.
- Эртде тургъан бла эртде юйленнген сокъуранмаз.
- Кесинг сынамагъан затны, адамгъа буюрма.
- Тойгъанлыкъ къойгъа джарашады.
- Халкъгъа джарагъан, джарлы къалмаз.
- Тёрде – темир таякълы, къаяда – чыпчыкъ аякълы.
- Сормай – алма, чакъырылмай – барма.
- Соргъан айыб тюлдю, билмеген айыбды.
- Джахил болса анасы, не билликди баласы?
- Къаллай салам берсенг, аллай джууаб алырса.
- Чабакъгъа акъыл, табагъа тюшсе келеди.
- Къайгъы тюбю – тенгиз.
- Алтыда кюлмеген, алтмышда кюлмез.
- Билими азны – ауузунда кирит.
- Ана – юйню кюн джарыгъы.
- Сибиртки да сыйлы болду, кюрек да кюнлю болду.
- Тойну къарнашы – харс, джырны къарнашы – эжиу.
- Ана кёлю – балада, бала кёлю – талада.
- Битмегеннге сакъал – танг.
- Тик ёргени, тик энгишгеси да болады.
- Аман хансны – урлугъу кёб.
- Тулпарлыкъ, билекден тюл – джюрекден.
- Ишни ахырын ойламай, аллын башлама.
- Хансыз джомакъ болмаз.
- Айранын берсенг, челегин да къызгъанма.
- Артына баргъанны, къатына барма.
- Аманны эки битли тону болур, бирин сеннге кийдирир, бирин кеси киер.
- Суу да къайтады чыкъгъан джерине.
- Ауругъаннга – кийик саулукъ, джетген къызгъа – чилле джаулукъ.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)