- Келгинчи, къонакъ уялыр, келгенден сора, къонакъбай уялыр.
- Таш ата билмеген, башына урур.
- Чоюнну башы ачыкъ болса, итге уят керекди.
- Ана къойну – балагъа джандет.
- Акъыл аздырмаз, билим тоздурмаз.
- Билим ат болуб да чабар, къуш болуб да учар.
- Ариу сёз – къылычдан джити.
- Узун джолну барсанг, бюгюн келирсе, къысха джолну барсанг, тамбла келирсе.
- Джаным-тиним – окъуу, билим.
- Къайгъы тюбю – тенгиз.
- Халкъны джырын джырласанг, халкъ санга эжиу этер.
- Кёбню кёрген – кёб билир.
- Ётюрюкден тюбю джокъ, кёлтюрюрге джиби джокъ.
- Бети къызарыучу адамны, джюреги харам болмаз.
- Ётюрюкню башын керти кесер.
- Ишленмеген джаш – джюгенсиз ат, ишленмеген къыз – тузсуз хант.
- Насыб бютеу халкъны юлюшюдю.
- Тау башында, тау болмаз, джангыз терек, бау болмаз.
- Ашыкъгъан cуу, тенгизге джетмез.
- Джарлы джети элни сёзюн этер.
- Шекер бла туз – бир болмаз, ушамагъан – юй болмаз.
- Окъумагъан сокъурду, сокъур ташха абыныр!
- Къалгъан ишге къар джауар.
- Джылыгъа джылан илешир.
- Рысхы – насыбха къор.
- Чакъырылмай келген къонакъ сыйланмай кетер.
- Тилчи бир сагъатха айлыкъ хата этер.
- Таула не мийик болсала да, аууш табылыр.
- Эр абынмай, эл танымаз.
- Азыгъы аз, алгъа къабар, аты аман, алгъа чабар.
- Джогъун бар этген, барын бал этген.
- Ашхы атаны – джашы ашхы, ашхы ананы – къызы ашхы.
- Эринчекге кюн узун.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Намыс болмагъан джерде, насыб болмаз.
- Эм ашхы къайын ана мамукъ бла башынгы тешер.
- Ойнай-ойнай кёз чыгъар.
- Бойнуму джети джерден кессенг да, мен ол ишни этеллик тюлме.
- Тынгылагъан тынгы бузар.
- Джашны джигитлиги сорулур, къызны джигерлиги сорулур.
- Аманны къуугъан, аманлыкъ табар.
- Байма, деб да, къууанма, джарлыма, деб да, джылама.
- Ётюрюкню къуйругъу – бир тутум.
- Кесинге джетмегенни, кёб сёлешме.
- Таукелге нюр джауар.
- Кютгени беш эчки, сызгъыргъаны уа, джерни джарады.
- Ауузу аманнга «иги», деме.
- Уллу сёлешме да, уллу къаб.
- Биреуню эскиси биреуге джангы болмайды.
- Хар сёзню орну барды.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)