- Билмезни кёзю кёрмез, этмезни къулагъы эшитмез.
- Нарт сёз къарт болмаз.
- Иги сёз – джаннга азыкъ, аман сёз башха – къазыкъ.
- Уллу атлама – абынырса, уллу къабма – къарылырса.
- Ариуну – ауруу кёб.
- Ариу – кёзге, акъыл – джюрекге.
- Ач келгенни – тойдур, кеч келгенни – къондур.
- Къартха ушагъан джаш – акъыллы, джашха ушагъан къарт – тели.
- Айырылмаз джууугъунга, унутмаз сёзню айтма.
- Хоншуну тауугъу къаз кёрюнюр, келини къыз кёрюнюр.
- Ичимден чыкъды хата, къайры барайым сата?
- Ариу джол аджал келтирмез.
- Тешигини къатында, чычхан да батыр болур.
- Тёрени джагъы джокъ.
- Кийиминг бла танылма, адамлыкъ бла таныл.
- Гугурук къычырмаса да, тангны атары къалмаз.
- Сёлеш деб шай берген, тохта деб, сом берген.
- Кюн кёрмеген, кюн кёрсе, кюндюз чыракъ джандырыр.
- Айтханы чапыракъдан ётмеген.
- Арпа, будай – ащды, алтын, кюмюш а – ташды.
- Джюз элде джюз ёгюзюм болгъандан эсе, джюз джууугъум болсун.
- Кирсизни – саны таза, халалны – къаны таза.
- Эри аманны, къатыны – аман.
- Халкъгъа джарагъан, джарлы къалмаз.
- Юйюнгден чыкъдынг – кюнюнгден чыкъдынг.
- Ишин билген, аны сыйын чыгъарады.
- Сабий болмагъан джерде, мёлек болмаз.
- Джаханимни кёрмей, джандетге кёл салмазса.
- Кёбден умут этиб, аздан къуру къалма.
- Айтхан сёзюне табылгъан.
- Чарсда алчыны эл кёреди.
- Бастасын ашагъан, хантусун да ичер.
- Нафысынгы айтханын этме, намысынгы айтханын эт.
- «Ёгюз, джаргъа джууукъ барма, меннге джюк боллукъса», - дегенди эшек.
- Джол бла сёзню къыйыры джокъ.
- Къонакъ аман болса, къонакъбай джунчур
- Къолунгдан къуймакъ ашатсанг да, атаны борчундан къутулмазса.
- Тойгъа барсанг, тоюб бар, эски тонунгу къоюб бар.
- Кеси юйюмде мен да ханма.
- Байлыкъ адамны сокъур этер.
- Тёзген – тёш ашар!
- Эл ауузу – элек, анга ийнаннган – халек.
- Къыз чыгъаргъан – къызыл къымжа.
- Аурууну келиую тынч, кетиую – къыйын.
- Ёгюзню мюйюзлери ауурлукъ этмейдиле.
- Душманны тышы – акъ, ичи – къара.
- Таукел адам тау тешер.
- Къолу уллу – асыу, аягъы уллу – джарсыу.
- Аз сёлешген, къайгъысыз турур.
- Тюз сёз баргъан сууну тыяр.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)