Войти на сайт
21 Мая  2019 года

 

  • Тёзгеннге, джабылгъан эшик ачылыр.
  • Джаханимни кёрмей, джандетге кёл салмазса.
  • Гугук кесини атын айтыб къычыргъанча, мен, мен деб нек тураса?
  • Ишге юренсин къоллары, халкъ бла болсун джоллары.
  • Азыкълы ат арымаз, къатыны аман джарымаз.
  • От этилмеген джерден тютюн чыкъмайды.
  • Ашхы атаны – джашы ашхы, ашхы ананы – къызы ашхы.
  • Аш кетер да бет къалыр.
  • Таукел къуру къалмаз.
  • Накъырданы арты керти болур.
  • Терек ауса, отунчу – кёб.
  • Къанны къан бла джуума, аманны аман бла къуума.
  • Тюз сёз баргъан сууну тыяр.
  • Адамны аты башхача, акъылы да башхады.
  • Аман адамны тепсинге олтуртсанг, къызынгы тилер.
  • Терслик кетер, тюзлюк джетер.
  • Аманны эки битли тону болур, бирин сеннге кийдирир, бирин кеси киер.
  • Халкъны юйю – туугъан джери.
  • Ойнай билмеген, оюн бузар.
  • Билим къая тешер.
  • Аууз сакълагъан – джан сакълар.
  • Ушамагъан – джукъмаз.
  • Агъач – джерни чырайы, кийим – эрни чырайы.
  • Сангырау къулакъ эл бузар.
  • Асхат ашлыкъ сата, юйдегиси ачдан къата.
  • Суу ичген шауданынга тюкюрме.
  • Джаз бир кюнню джатсанг, къыш талай кюнню абынырса.
  • Тенгни тенглиги джашай барсанг билинир.
  • Бал чибинни ургъаны – ачы, балы – татлы.
  • Ауузу аманнга «иги», деме.
  • Биреуге аманлыкъны тилеме да, кесинге ашхылыкъны тиле.
  • Иги – алгъыш этер, аман – къаргъыш этер.
  • Туз, гырджын аша, тюзлюк бла джаша.
  • Билген билмегенни юретген адетди.
  • Гитче джилтин уллу элни джандырыр.
  • Юй ишлеген балта эшикде къалыр.
  • Айырылмаз джууугъунга, унутмаз сёзню айтма.
  • Ишленмеген джаш – джюгенсиз ат, ишленмеген къыз – тузсуз хант.
  • Эркишини аманы тиширыуну джылатыр.
  • Аджаллыгъа окъсуз шкок атылыр.
  • Ариу джол аджал келтирмез.
  • Тёрени джагъы джокъ.
  • Келлик заман – къартлыкъ келтирир, кетген заман – джашлыкъ ёлтюрюр.
  • Элиб деген, элге болушур.
  • Арбаз къынгырды да, ийнек сауалмайма.
  • Тюзню ётмеги тюзде къалса да, тас болмаз.
  • Эл ауузу – элек, анга ийнаннган – халек.
  • Таугъа чыгъаллыкъ эсенг, тюзде къалма.
  • Иги сеники эсе да, сюйген кесимикин этеме.
  • Таякъ этден ётер, тил сюекден ётер.

 

Страницы: 1
RSS
Ата джуртуна намазлыкъгъача киреди Сапар.
 
Белгили джазыучубуз Лайпанланы Билал башха белгили назмучубуз/ макъамчыбыз/джырчыбыз Ёзденланы Сапарны юсюнден, аны Ата Джуртха къаллай багъа бергенин, къалай кергенин/багъалатханын билдире былай айтханды:

"Ата джуртуна намазлыкъгъача киреди Сапар."


Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны. Ол зат меннге бек сеир керюндю кезюме. Ма, аллай бирди джазыучуланы/назмучуланы сезлерини кючю!

Бу теманы ол мурат аллай муратда ачама, джазыучуларыбызны, эм да башха миллетибизде белгили адамларыбызны юсюнден башха белгили адамла айтхан сезлени бери джыяйыкъ, деб. Ангылатыб айтырча - цитаты о великих от великих)).

Энди хар ким да излей болурла, ала къурагъан топикде флудить этмей, авторгъа сый бериб, ариу джазсала къошулгъанла, алай болса да, эсгертиб тилейме: кебден бери къурамай кючден-бутдан бир топик къурагъанма, джазалгъан джазыгъыз, джазалмагъан бузмай,блай сыйдам бармагъа бир къоюгъуз. Меннге къыйыныракъ да тиерикди сизден эсе кесими флуддан тыйгъан))), алай болса да мен да бара-баргъанда сизни топиклеригизни бузмазгъа кюреширме))).

Алайды да, хош келигиз!
 
 
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.
 
Sabr
Сапарны китабын чыгъарыр джанындан болайыкъ

 
 
ШАТ
Не болду сагъыш этдирген, билмейме. Но на случай, если это связано с тем, что я написала, поясняю: я имела в виду что одним коротким предложением Билал Лайпанов смог раскрыть всю глубину и значение слова "Ата Джурт" для Сапара Узденова. Я как смогла, так и написала на родном языке, надеюсь, все слова правильно подобрала.

"Ата джуртуна намазлыкъгъача киреди Сапар."
Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны.
 
Сэстренка
Салам !
Мени поэзиямы Билал да, Сен да огъары тапхагъа чыгъарасыз, Сау Болугъуз.
Сагъышлы этген а буду:

Sabr
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.



Эсенлик излей

Сапар Ёз.
 
Шатны къууандыргъан, бютеу поэзиябызны къууандыргъанча бир затды. Шатха игилик этген - бютеу адабиятыбызгъа, культурабызгъа игилик этеди.


Алай а, бизни поэзияда бюгюн биринчи орунда тургъан Ёзденланы Сапарды.


Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын.
Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун.
Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган.
 
Tinibek

Amin
 
Сапар ЁЗДЕН

291

Туугъан элим, сен энтда да бир сагъышлы:
Джаз ала да ушамайса сен джазгъа.
Кёгюнгде да ? боз булутла бир къайгъылы,
Бири-бирин хазырдыла таларгъа.

Келгенликге тансыкъ ала мен джуртумдан,
Къарайма да, берир затынг ? мыдахлыкъ.
Алай, ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа излемейме мен намазлыкъ,
Намазлыкъны эм игиси ? джуртумду.
Сен барлыкъда, сынамайды джаным ачлыкъ.
Санга кёлюм ? сенден эсе, уллуду.

Биягъынлай, ма тамбла да джолум тюзге.
Мен да, энтда, ашхы джолгъа барайым.
Сен, къайдан да эсен къайтар, Аллах, юйге ?
Мен кёрюме баба джуртда джатайым.
Страницы: 1
Читают тему (гостей: 2)

 

Написать нам