- Эшекни не къадар тюйсенг да, ат болмаз.
- Тамчы таш тешер.
- Къонагъынгы артмагъын алма да, алгъышын ал.
- Ач да бол, токъ да бол – намысынга бек бол.
- Агъач халкъгъа алтынды, иссиликге салкъынды.
- Къан бла кирген, джан бла чыгъар.
- Къайгъыны сюйген, къайгъы табар.
- Уллу атлама – абынырса, уллу къабма – къарылырса.
- Игини сыйлагъан адетди.
- Мухар, кеси тойса да, кёзю тоймаз.
- Нёгерсизни джолу узун.
- Рысхы – сют юсюнде кёмюк кибикди.
- Чакъырылгъанны аты, чакъырылмагъанны багъасы болур.
- Уруну арты – къуру.
- Къозулугъунда тоймагъан, къойлугъунда тоймаз.
- Иги сёз – джаннга азыкъ, аман сёз башха – къазыкъ.
- Бет бетге къараса, бет да джерге къарар.
- Баш болса, бёрк табылыр.
- Аз сёлеш, кёб ишле.
- Иги – алгъыш этер, аман – къаргъыш этер.
- Хазыр ашха – терен къашыкъ.
- Къыз келсе, джумуш эте келеди, къатын келсе, ушакъ эте келеди.
- Ишни аллы бла къууанма да, арты бла къууан.
- Онгсузну – джакъла, тенгликни – сакъла.
- Азыгъы аз, алгъа къабар, аты аман, алгъа чабар.
- Эки итни арасына сюек атма, эки адамны арасында сёз чыгъарма.
- Баланы адам этген анады.
- Бозаны арты дауур болур.
- Нёгер болсанг, тенг бол, тенг болмасанг, кенг бол.
- Тас болгъан бычакъны сабы – алтын.
- Дуния малгъа сатылма, кесингден телиге къатылма.
- Джаралыны джастыгъында сау ёлюр.
- Ишге юренсин къоллары, халкъ бла болсун джоллары.
- Ашаса, ашамаса да, бёрюню ауузу – къан.
- Эл бла кёргенинг эрелей.
- Сакъалы текени да бар, мыйыгъы киштикни да бар.
- Орну джокъну – сыйы джокъ.
- Ач уят къоймаз.
- Нафысынгы айтханын этме, намысынгы айтханын эт.
- Ёлюк кебинсиз къалмаз.
- Аш хазыр болса, иш харам болур.
- Кёбню кёрген – кёб билир.
- Байлыкъ болгъан джерде, тынчлыкъ джокъду.
- Атлыны кёрсе, джаяуну буту талыр.
- Аманнга да, игиге да оноусуз къатышма.
- Гыдай эчки суугъа къараб, мюйюзле кёрмесе, джашма алкъын, дегенди.
- Кимни – тили, тиши онглу, кимни – къолу, иши онглу.
- Къызгъанчдан ычхыныр, мухардан ычхынмаз.
- Джуртун къоругъан озар.
- Борчунг бар эсе, хурджунунга ойлаб узал.
Ата джуртуна намазлыкъгъача киреди Сапар.
10.08.2011 22:57:11
|
|
|
|
11.08.2011 02:13:11
Sabr
Сапарны китабын чыгъарыр джанындан болайыкъ |
|
|
|
11.08.2011 16:46:11
|
|
|
|
16.08.2011 01:34:35
Алай а, бизни поэзияда бюгюн биринчи орунда тургъан Ёзденланы Сапарды. Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын. Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун. Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган. |
|
|
|
16.08.2011 05:35:34
Tinibek
Amin |
|
|
|
Читают тему (гостей: 1)