- Чоюнну башы ачыкъ болса, итге уят керекди.
- Джукъу тёшек сайламайды.
- Миллетни бойну – базыкъ, аны бла кюрешген – джазыкъ.
- Кийим тукъум сордурур.
- Къыз тиширыу кеси юйюнде да къонакъды.
- Ач – эснер, ат – кишнер.
- Билим – акъылны чырагъы.
- Къолунгдан къуймакъ ашатсанг да, атаны борчундан къутулмазса.
- Къайгъыны сюйген, къайгъы табар.
- Туз, гырджын аша, тюзлюк бла джаша.
- Ат басханны джер билед.
- Азыкъ аз болса, эртде орун сал.
- Эки къатын алгъан – эки ташны ортасына башын салгъан.
- Бастасын ашагъан, хантусун да ичер.
- Адамны сыфатына къарама, сёзюне къара.
- Билген билмегенни юретген адетди.
- Къумурсхала джыйылсала, пилни да джыгъадыла.
- Аджаллыгъа окъсуз шкок атылыр.
- Ёлген эшек бёрюден къоркъмайды.
- Тыш элде солтан болгъандан эсе, кесинги элде олтан болгъан игиди!
- Минг тенг да азды, бир джау да кёбдю.
- Арпа, будай – ащды, алтын, кюмюш а – ташды.
- Джарашыу сюйген – джалынчакъ.
- Къонакъны къачан кетерин сорма, къачан келлигин сор.
- Джаш болсун, къыз болсун, акъылы, саны тюз болсун.
- Игилик игилик бла сингдирилиучю затды.
- Чакъырылмагъан къонакъ – орунсуз.
- Алма терегинден кери кетмез.
- Къарт бла баш аша, джаш бла аякъ аша.
- Джарлы эскисин джамаса, къууаныр.
- Арбаз къынгырды да, ийнек сауалмайма.
- Тешик этген тынчды, аны джамагъан къыйынды.
- Окъугъанны бети джарыкъ.
- Ишленмеген джаш – джюгенсиз ат, ишленмеген къыз – тузсуз хант.
- Окъ къызбайны джокълайды.
- Къонакъ аз олтурур, кёб сынар.
- Тулпарлыкъ, билекден тюл – джюрекден.
- Ач келгенни – тойдур, кеч келгенни – къондур.
- Тюзню ётмеги тюзде къалса да, тас болмаз.
- Халкъны джырын джырласанг, халкъ санга эжиу этер.
- Адамны джюреги нени кёрюрге сюйсе, кёзю да аны кёрюрге ёч болады.
- Тюкюрюк баш джармаз, налат кёз чыгъармаз!
- Бозаны арты дауур болур.
- Хантына кёре тузу, юйюне кёре къызы.
- Ауузу аманнга «иги», деме.
- Кесине гебен этелмеген, биреуге черен эте эди.
- Ауузу бла къуш тута айланады.
- Кёлсюзден сёзсюз тууар.
- Иги сеники эсе да, сюйген кесимикин этеме.
- Тилчи тилден къаныкъмаз.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)