Войти на сайт
6 Июля  2020 года

 

  • Кютгени беш эчки, сызгъыргъаны уа, джерни джарады.
  • Кечеси – аяз, кюню – къыш, джарлы къаргъагъа бир аш тюш!
  • Аджалсыз ёлюм болмаз.
  • Намысы джокъну – дуниясы джокъ.
  • Биреуге кёлтюрген таягъынг, кесинги башынга урур.
  • Ашарыкъда сайлагъаннга – чий гырджын.
  • Ариу – кёзге, акъыл – джюрекге.
  • Уллу сёлешме да, уллу къаб.
  • Биреуню эскиси биреуге джангы болмайды.
  • Эки къатын алгъанны къулагъы тынгнгаймаз.
  • Аманнга игилик этсенг, юйюнге сау бармазса.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Сабий кёргенин унутмаз.
  • Мадар болса, къадар болур.
  • Тойну къарнашы – харс, джырны къарнашы – эжиу.
  • Тилчиден кери бол.
  • Атадан ёксюз – бир ёксюз, анадан ёксюз – эки ёксюз.
  • Къатыны харакетли болса, эри къымсыз болур.
  • Уллу къазанда бишген эт, чий къалмаз.
  • Ишни аллы бла къууанма да, арты бла къууан.
  • Джарлыны эшигин махтагъан джабар.
  • Къан бла кирген, джан бла чыгъар.
  • Тиширыусуз юй – отсуз от джагъа.
  • Аман хансны – урлугъу кёб.
  • Къызны минг тилер, бир алыр.
  • Зарда марда джокъ.
  • Дженгил джетерикме деб, узун джолну къоюб, къысхасын барма.
  • Эшекни не къадар тюйсенг да, ат болмаз.
  • Сакъламагъан затынга джолукъсанг, не бек къууанаса, не бек ачыйса.
  • Кесинг сынамагъан затны, адамгъа буюрма.
  • Тойгъан антын унутур.
  • Уллу суу бла уллу ауруудан башынгы сакъла.
  • Бети къызарыучу адамны, джюреги харам болмаз.
  • Ёлмесенг да, къарт дамы болмазса?
  • Таукел къуру къалмаз.
  • Къарнынг тойгъунчу аша да, белинг талгъынчы ишле.
  • Ачыу алгъа келсе, акъыл артха къалады.
  • Къулакъдан эсе, кёзге ышан.
  • Агъач – джерни чырайы, кийим – эрни чырайы.
  • Ач отунчуну ачыуу – бурнунда.
  • Джюрек кёзден алгъа кёрюр.
  • Керилген да, ургъан кибикди.
  • Къызбайны юйюне дери сюрсенг, батыр болур.
  • Ариуну – ауруу кёб.
  • Ёзденликни джайгъан – джокълукъ.
  • Адам туугъан джеринде, ит тойгъан джеринде.
  • Кийим тукъум сордурур.
  • Кесине гебен этелмеген, биреуге черен эте эди.
  • Бал – татлы, балдан да бала – татлы.
  • Элде адам къалмаса, ит тахтагъа минер.

 

Страницы: 1
RSS
Ата джуртуна намазлыкъгъача киреди Сапар.
 
Белгили джазыучубуз Лайпанланы Билал башха белгили назмучубуз/ макъамчыбыз/джырчыбыз Ёзденланы Сапарны юсюнден, аны Ата Джуртха къаллай багъа бергенин, къалай кергенин/багъалатханын билдире былай айтханды:

"Ата джуртуна намазлыкъгъача киреди Сапар."


Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны. Ол зат меннге бек сеир керюндю кезюме. Ма, аллай бирди джазыучуланы/назмучуланы сезлерини кючю!

Бу теманы ол мурат аллай муратда ачама, джазыучуларыбызны, эм да башха миллетибизде белгили адамларыбызны юсюнден башха белгили адамла айтхан сезлени бери джыяйыкъ, деб. Ангылатыб айтырча - цитаты о великих от великих)).

Энди хар ким да излей болурла, ала къурагъан топикде флудить этмей, авторгъа сый бериб, ариу джазсала къошулгъанла, алай болса да, эсгертиб тилейме: кебден бери къурамай кючден-бутдан бир топик къурагъанма, джазалгъан джазыгъыз, джазалмагъан бузмай,блай сыйдам бармагъа бир къоюгъуз. Меннге къыйыныракъ да тиерикди сизден эсе кесими флуддан тыйгъан))), алай болса да мен да бара-баргъанда сизни топиклеригизни бузмазгъа кюреширме))).

Алайды да, хош келигиз!
 
 
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.
 
Sabr
Сапарны китабын чыгъарыр джанындан болайыкъ

 
 
ШАТ
Не болду сагъыш этдирген, билмейме. Но на случай, если это связано с тем, что я написала, поясняю: я имела в виду что одним коротким предложением Билал Лайпанов смог раскрыть всю глубину и значение слова "Ата Джурт" для Сапара Узденова. Я как смогла, так и написала на родном языке, надеюсь, все слова правильно подобрала.

"Ата джуртуна намазлыкъгъача киреди Сапар."
Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны.
 
Сэстренка
Салам !
Мени поэзиямы Билал да, Сен да огъары тапхагъа чыгъарасыз, Сау Болугъуз.
Сагъышлы этген а буду:

Sabr
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.



Эсенлик излей

Сапар Ёз.
 
Шатны къууандыргъан, бютеу поэзиябызны къууандыргъанча бир затды. Шатха игилик этген - бютеу адабиятыбызгъа, культурабызгъа игилик этеди.


Алай а, бизни поэзияда бюгюн биринчи орунда тургъан Ёзденланы Сапарды.


Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын.
Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун.
Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган.
 
Tinibek

Amin
 
Сапар ЁЗДЕН

291

Туугъан элим, сен энтда да бир сагъышлы:
Джаз ала да ушамайса сен джазгъа.
Кёгюнгде да ? боз булутла бир къайгъылы,
Бири-бирин хазырдыла таларгъа.

Келгенликге тансыкъ ала мен джуртумдан,
Къарайма да, берир затынг ? мыдахлыкъ.
Алай, ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа излемейме мен намазлыкъ,
Намазлыкъны эм игиси ? джуртумду.
Сен барлыкъда, сынамайды джаным ачлыкъ.
Санга кёлюм ? сенден эсе, уллуду.

Биягъынлай, ма тамбла да джолум тюзге.
Мен да, энтда, ашхы джолгъа барайым.
Сен, къайдан да эсен къайтар, Аллах, юйге ?
Мен кёрюме баба джуртда джатайым.
Страницы: 1
Читают тему (гостей: 1)

 

Написать нам