- Уясында не кёрсе, учханында аны этер.
- Кёб джашагъан – кёб билир.
- Урунуу – насыбны анасы.
- Атлыны кёрсе, джаяуну буту талыр.
- Тешигини къатында, чычхан да батыр болур.
- Ана къойну – балагъа джандет.
- Джауумдан сора, кюн кюйдюрюр, ётюрюкден сора, айыб кюйдюрюр.
- Илму – джашауну джолу.
- Адам сёзге тынгыла, акъыл сёзню ангыла.
- Билеги кючлю, бирни джыгъар, билими кючлю, мингни джыгъар.
- Кютгени беш эчки, сызгъыргъаны уа, джерни джарады.
- Халкъгъа джарагъан, джарлы къалмаз.
- Таш бла ургъанны, аш бла ур.
- Ата – билек, ана – джюрек!
- Кюн кёрмеген, кюн кёрсе, кюндюз чыракъ джандырыр.
- Байлыкъ келсе, акъыл кетер.
- Тамырсыз терекге таянма – джыгъылырса.
- Кийимни бир кюнню аясанг, минг кюннге джарар.
- Телини эшигин, махтау джабар.
- Ата Джуртча джер болмаз, туугъан элча эл болмаз.
- Окъугъанны бети джарыкъ.
- Ётюрюкден тюбю джокъ, кёлтюрюрге джиби джокъ.
- Джаханимни кёрмей, джандетге кёл салмазса.
- Къарт айтханны этмеген, къартаймаз.
- Эте билген, этген этеди, эте билмеген, юретген этеди!
- Ариу джол аджал келтирмез.
- Сангырау къулакъ эл бузар.
- Ёгюзню мюйюзюнден тутадыла, адамны сёзюнден тутадыла.
- Джан саулукъ бермей, сан саулукъ бермезсе.
- Акъыл къартда, джашда тюйюлдю – башдады.
- Кёбден умут этиб, аздан къуру къалма.
- Хантына кёре тузу, юйюне кёре къызы.
- Этим кетсе да, сюегим къалыр.
- Кийим тукъум сордурур.
- Ким бла джюрюсенг, аны кёзю бла кёрюнюрсе.
- Къызгъанчдан ычхыныр, мухардан ычхынмаз.
- Тойчу джашха къарама, къойчу джашха къара.
- Алтыда кюлмеген, алтмышда кюлмез.
- Сагъышы джокъ – джукъучу, акъылы джокъ – къаугъачы.
- Джашлыкъ этмеген, башлыкъ этмез.
- Ишлегенде эринме, ишде чолакъ кёрюнме.
- Тилсиз миллет джокъ болур.
- Эл ауузу – элек, анга ийнаннган – халек.
- Чомарт бергенин айтмаз.
- Ашыкъгъанны этеги бутуна чырмалыр.
- Айранны сюйген, ийнек тутар.
- Рысхы джалгъанды: келген да этер, кетген да этер.
- Джигер – джаннга къыйынлыкъ.
- Аурууну келиую тынч, кетиую – къыйын.
- Кёл – къызбай, къол – батыр.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)