- Биреуню эскиси биреуге джангы болмайды.
- Халкъны джырын джырласанг, халкъ санга эжиу этер.
- Аман адамны тепсинге олтуртсанг, къызынгы тилер.
- Илму – джашауну джолу.
- Телиге от эт десенг, юйюнге от салыр.
- Джыланны къуйругъундан басарынг келсе, аны башы болгъанын унутма.
- Кёб ант этген, кёб ётюрюк айтыр.
- Бёрю да ач къалмасын, эчки да ашалмасын.
- Агъач – джерни чырайы, кийим – эрни чырайы.
- Келинни – келгинчи, бёркню кийгинчи кёр.
- Кютгени беш эчки, сызгъыргъаны уа, джерни джарады.
- Ауузу аманнга «иги», деме.
- Байлыкъ тауусулур, билим тауусулмаз.
- Къыз келсе, джумуш эте келеди, къатын келсе, ушакъ эте келеди.
- Рысхы – насыбха къор.
- Джангызны оту джарыкъ джанмаз!
- Эртде тургъан бла эртде юйленнген сокъуранмаз.
- Эшекни не къадар тюйсенг да, ат болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашлыкъны арба юйге келтирир, чана базаргъа элтир.
- Тойгъанлыкъ къойгъа джарашады.
- Сёлеш деб шай берген, тохта деб, сом берген.
- Джол бла сёзню къыйыры джокъ.
- Билгенни къолу къарны джандырыр.
- Кийиминг бла танылма, адамлыкъ бла таныл.
- Ишленмеген джаш – джюгенсиз ат, ишленмеген къыз – тузсуз хант.
- Къартха ушагъан джаш – акъыллы, джашха ушагъан къарт – тели.
- Джарлыны эшигин махтагъан джабар.
- Тойгъа барсанг, тоюб бар, эски тонунгу къоюб бар.
- Эте билген, этген этеди, эте билмеген, юретген этеди!
- Джарашыу сюйген – джалынчакъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чакъырылмагъан къонакъ – орунсуз.
- Къолу уллу – асыу, аягъы уллу – джарсыу.
- Джиби бир къат джетмей эди да, эки къат тарта эди.
- Джашлыкъ этмеген, башлыкъ этмез.
- Джеринден айырылгъан – джети джылар, джуртундан айырылгъан – ёлгюнчю джылар.
- Ат да турмайды бир териде.
- Ётюрюкден тюбю джокъ, кёлтюрюрге джиби джокъ.
- Тюзню ётмеги тюзде къалса да, тас болмаз.
- Малны кют, джерни тюрт.
- Къумурсхала джыйылсала, пилни да джыгъадыла.
- Къатыны харакетли болса, эри къымсыз болур.
- Иесиз малны бёрю ашар.
- Эшекге миннген – биринчи айыб, андан джыгъылгъан – экинчи айыб.
- Ёмюрлюк шохлукъну джел элтмез.
- Айтханы чапыракъдан ётмеген.
- Къызгъанчдан ычхыныр, мухардан ычхынмаз.
- Кёлю джокъну – джолу джокъ.
- Къонакъ аман болса, къонакъбай джунчур
Ата джуртуна намазлыкъгъача киреди Сапар.
10.08.2011 22:57:11
|
|
|
|
11.08.2011 02:13:11
Sabr
Сапарны китабын чыгъарыр джанындан болайыкъ |
|
|
|
11.08.2011 16:46:11
|
|
|
|
16.08.2011 01:34:35
Алай а, бизни поэзияда бюгюн биринчи орунда тургъан Ёзденланы Сапарды. Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын. Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун. Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган. |
|
|
|
16.08.2011 05:35:34
Tinibek
Amin |
|
|
|
Читают тему (гостей: 1)