- Джюрекге ариу – кёзге да ариу.
- Къыз чыгъаргъан – къызыл къымжа.
- Кирсизни – саны таза, халалны – къаны таза.
- Кёб джашагъан – кёб билир.
- Башда акъыл болмаса, эки аякъгъа кюч джетер.
- Бети къызарыучу адамны, джюреги харам болмаз.
- Сибиртки да сыйлы болду, кюрек да кюнлю болду.
- Джетген къыз джерли эшекни танымаз.
- Адамны аты башхача, акъылы да башхады.
- Адам туугъан джеринде, ит тойгъан джеринде.
- Сескекли кесин билдирир.
- Урунуу – насыбны анасы.
- Хантына кёре тузу, юйюне кёре къызы.
- Къарнынг тойгъунчу аша да, белинг талгъынчы ишле.
- Аман эсирсе, юйюн ояр.
- Айыбны суу бла джууалмазса.
- Асхат ашлыкъ сата, юйдегиси ачдан къата.
- Ач бёрюге мекям джокъ.
- Сууда джау джокъ, кёб сёзде магъана джокъ.
- Этим кетсе да, сюегим къалыр.
- Телиге от эт десенг, юйюнге от салыр.
- Биреуге аманлыкъ этиб, кесинге игилик табмазса.
- Юйюнгден чыкъдынг – кюнюнгден чыкъдынг.
- Биреуге аманлыкъны тилеме да, кесинге ашхылыкъны тиле.
- Соргъан айыб тюлдю, билмеген айыбды.
- Джаханимни кёрмей, джандетге кёл салмазса.
- Чомартха хар кюн да байрамды.
- Къралынгы – душмандан, башынгы от бла суудан сакъла.
- Биреу къой излей, биреу той излей.
- Хар ишни да аллы къыйынды.
- Аджашханны ызындагъы кёреди, джангылгъанны джанындагъы биледи.
- Джеринден айырылгъан – джети джылар, джуртундан айырылгъан – ёлгюнчю джылар.
- Ата Джуртуму башы болмасам да, босагъасында ташы болайым.
- Къарт айтханны этмеген, къартаймаз.
- Ата Джуртун танымагъан, атасын да танымаз.
- Элге къуллукъ этмеген, элге ие болмаз.
- Кёзню ачылгъаны – иги, ауузну джабылгъаны – иги.
- Биреу ашаб къутулур, биреу джалаб тутулур.
- Ёлюр джаннга, ёкюл джокъ.
- Ашына кёре табагъы, балына кёре къалагъы.
- Юй ишлеген балта эшикде къалыр.
- Гырджын – тепсини тамадасы.
- Бет бетге къараса, бет да джерге къарар.
- Къызын тута билмеген, тул этер, джашын тута билмеген, къул этер.
- Ата джурт – алтын бешик.
- Джуртун къоругъан озар.
- Эринчекге кюн узун.
- Ашхы сёз таш тешер.
- Бойнуму джети джерден кессенг да, мен ол ишни этеллик тюлме.
- Тёрени джагъы джокъ.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)