Войти на сайт
23 Августа  2019 года

 

  • Джахил болса анасы, не билликди баласы?
  • Джарлыны эшигин махтагъан джабар.
  • Джыланны къуйругъундан басарынг келсе, аны башы болгъанын унутма.
  • Сабийни джумушха джибер да, ызындан бар.
  • Бойнуму джети джерден кессенг да, мен ол ишни этеллик тюлме.
  • Ойнаб айтсанг да, эслеб айт.
  • Харам къарнашдан, халал тенг ашхы.
  • Юре билмеген ит, къонакъ келтирир.
  • Ёмюрлюк шохлукъну джел элтмез.
  • Ачыу алгъа келсе, акъыл артха къалады.
  • Керти сёзге тёре джокъ.
  • Тилчи тилден къаныкъмаз.
  • Окъумагъан сокъурду, сокъур ташха абыныр!
  • Джолда аягъынга сакъ бол, ушакъда тилинге сакъ бол.
  • Хатерли къул болур.
  • Ишлерге уял да, ашаргъа табма.
  • Кёпюр салгъан кеси ётер, уру къазгъан кеси кетер.
  • Ашхы – джыяр, аман – джояр.
  • Кийимни бир кюнню аясанг, минг кюннге джарар.
  • Уясында не кёрсе, учханында аны этер.
  • Къолу уллу – асыу, аягъы уллу – джарсыу.
  • Кёзню ачылгъаны – иги, ауузну джабылгъаны – иги.
  • Окъ къызбайны джокълайды.
  • Ишин билген, аны сыйын чыгъарады.
  • Тойгъандан сора, ашны сёкме.
  • Тойгъан джерден туугъан джер игиди.
  • Адам сёзюнден белгили.
  • Ашхы болсанг, атынг чыгъар, аман болсанг, джанынг чыгъар.
  • Къарт айтханны этмеген, къартаймаз.
  • Кюн – узун, ёмюр – къысха.
  • Адамны аты башхача, акъылы да башхады.
  • Мал ёлсе, сюек къалыр, адам ёлсе, иши къалыр.
  • Юй ишлеген балта эшикде къалыр.
  • Адамны бетине къарама, адетине къара.
  • Джаш болсун, къыз болсун, акъылы, саны тюз болсун.
  • Акъыл бла адеб эгизледиле.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Нафысынгы айтханын этме, намысынгы айтханын эт.
  • Ана – юйню кюн джарыгъы.
  • Алгъанда – джууукъ, бергенде – джау.
  • Тёрдеги кюлсе, эшикдеги ышарыр.
  • Ичимден чыкъды хата, къайры барайым сата?
  • Этек чакъмакълары баш джаргъан, сёлешген сёзлери таш джаргъан.
  • Элиб деген, элге болушур.
  • Тойгъанлыкъ къойгъа джарашады.
  • Дуния мал дунияда къалады.
  • Ким бла джюрюсенг, аны кёзю бла кёрюнюрсе.
  • Джерни букъусу кёкге къонмаз.
  • Джукъу тёшек сайламайды.
  • Ашлыкъ – бюртюкден, джюн – тюкден.

 

Страницы: 1
RSS
Ата джуртуна намазлыкъгъача киреди Сапар.
 
Белгили джазыучубуз Лайпанланы Билал башха белгили назмучубуз/ макъамчыбыз/джырчыбыз Ёзденланы Сапарны юсюнден, аны Ата Джуртха къаллай багъа бергенин, къалай кергенин/багъалатханын билдире былай айтханды:

"Ата джуртуна намазлыкъгъача киреди Сапар."


Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны. Ол зат меннге бек сеир керюндю кезюме. Ма, аллай бирди джазыучуланы/назмучуланы сезлерини кючю!

Бу теманы ол мурат аллай муратда ачама, джазыучуларыбызны, эм да башха миллетибизде белгили адамларыбызны юсюнден башха белгили адамла айтхан сезлени бери джыяйыкъ, деб. Ангылатыб айтырча - цитаты о великих от великих)).

Энди хар ким да излей болурла, ала къурагъан топикде флудить этмей, авторгъа сый бериб, ариу джазсала къошулгъанла, алай болса да, эсгертиб тилейме: кебден бери къурамай кючден-бутдан бир топик къурагъанма, джазалгъан джазыгъыз, джазалмагъан бузмай,блай сыйдам бармагъа бир къоюгъуз. Меннге къыйыныракъ да тиерикди сизден эсе кесими флуддан тыйгъан))), алай болса да мен да бара-баргъанда сизни топиклеригизни бузмазгъа кюреширме))).

Алайды да, хош келигиз!
 
 
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.
 
Sabr
Сапарны китабын чыгъарыр джанындан болайыкъ

 
 
ШАТ
Не болду сагъыш этдирген, билмейме. Но на случай, если это связано с тем, что я написала, поясняю: я имела в виду что одним коротким предложением Билал Лайпанов смог раскрыть всю глубину и значение слова "Ата Джурт" для Сапара Узденова. Я как смогла, так и написала на родном языке, надеюсь, все слова правильно подобрала.

"Ата джуртуна намазлыкъгъача киреди Сапар."
Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны.
 
Сэстренка
Салам !
Мени поэзиямы Билал да, Сен да огъары тапхагъа чыгъарасыз, Сау Болугъуз.
Сагъышлы этген а буду:

Sabr
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.



Эсенлик излей

Сапар Ёз.
 
Шатны къууандыргъан, бютеу поэзиябызны къууандыргъанча бир затды. Шатха игилик этген - бютеу адабиятыбызгъа, культурабызгъа игилик этеди.


Алай а, бизни поэзияда бюгюн биринчи орунда тургъан Ёзденланы Сапарды.


Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын.
Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун.
Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган.
 
Tinibek

Amin
 
Сапар ЁЗДЕН

291

Туугъан элим, сен энтда да бир сагъышлы:
Джаз ала да ушамайса сен джазгъа.
Кёгюнгде да ? боз булутла бир къайгъылы,
Бири-бирин хазырдыла таларгъа.

Келгенликге тансыкъ ала мен джуртумдан,
Къарайма да, берир затынг ? мыдахлыкъ.
Алай, ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа излемейме мен намазлыкъ,
Намазлыкъны эм игиси ? джуртумду.
Сен барлыкъда, сынамайды джаным ачлыкъ.
Санга кёлюм ? сенден эсе, уллуду.

Биягъынлай, ма тамбла да джолум тюзге.
Мен да, энтда, ашхы джолгъа барайым.
Сен, къайдан да эсен къайтар, Аллах, юйге ?
Мен кёрюме баба джуртда джатайым.
Страницы: 1
Читают тему (гостей: 1)

 

Написать нам