Арба аугъандан сора, джол кёргюзтюучю кёб болур.
Баланы адам этген анады.
Халкъны юйю – туугъан джери.
Къартны сыйын кёрмеген, къартлыгъында сыйлы болмаз.
Тик ёргени, тик энгишгеси да болады.
Ата Джуртча джер болмаз, туугъан элча эл болмаз.
Джырына кёре эжиую.
Нёгер болсанг, тенг бол, тенг болмасанг, кенг бол.
Бёрю да ач къалмасын, эчки да ашалмасын.
Тенгинг джокъ эсе – изле, бар эсе – сакъла!
Рысхы – сют юсюнде кёмюк кибикди.
Адам туугъан джеринде, ит тойгъан джеринде.
Огъурлуну сёзю – суу, огъурсузну сёзю – уу.
Биреуге аманлыкъны тилеме да, кесинге ашхылыкъны тиле.
Берекет берсин деген джерде, берекет болур.
Кесинг сынамагъан затны, адамгъа буюрма.
Къайтырыкъ эшигинги, къаты уруб чыкъма.
Джол бла сёзню къыйыры джокъ.
Тешигини къатында, чычхан да батыр болур.
Кёпюр салгъан кеси ётер, уру къазгъан кеси кетер.
Джауумдан сора, кюн кюйдюрюр, ётюрюкден сора, айыб кюйдюрюр.
Бал ашаргъа сюе эсенг, чибин ургъаннга тёз.
От кюйдюрген, сау болса да, тот кюйдюрген, сау болмаз.
Ханы къызы буюгъа-буюгъа киштик болду.
Ана къойну – балагъа джандет.
Джумушакъ терекни къурт ашар.
Джаралыны джастыгъында сау ёлюр.
Мал тутхан – май джалар.
Иги бла джюрюсенг, джетерсе муратынга, аман бла джюрюсенг, къалырса уятха.
Дуния мал дунияда къалады.
Эркишини аманы тиширыуну джылатыр.
Аллахха ийнаннган кишини, Аллах онгдурур ишин.
Чыкълы кюнде чыкъмагъан, чыкъса къуру кирмеген.
Элиб деген, элге болушур.
Арыгъан къош чамчы болур.
Тойгъанлыкъ къойгъа джарашады.
Джашны джигитлиги сорулур, къызны джигерлиги сорулур.
Ётюрюкден тюбю джокъ, кёлтюрюрге джиби джокъ.
Кёрмегеннге кебек – танг, битмегеннге сакъал – танг.
Мухардан ач ычхынмаз.
Тили узунну, намысы – къысха.
Байдан умут эте, джарлыдан ёгюз багъасы къорады.
Сагъышы джокъ – джукъучу, акъылы джокъ – къаугъачы.
Адеб базарда сатылмаз.
Адам сёзюнден белгили.
Чалманны аллы къалай башланса, арты да алай барады.
Тас болгъан бычакъны сабы – алтын.
Ачыу алгъа келсе, акъыл артха къалады.
Бети – къучакълар, джюреги – бычакълар.
Эте билген, этген этеди, эте билмеген, юретген этеди!
