Накъырданы арты керти болур.
Кюн кёрмеген, кюн кёрсе, кюндюз чыракъ джандырыр.
Ариу сёз – джаннга азыкъ, аман сёз – башха къазыкъ.
Эринчекге кюн узун.
Тойгъан джерге джети къайт.
Игилик игилик бла сингдирилиучю затды.
Джумушакъ терекни къурт ашар.
Ата Джуртуму башы болмасам да, босагъасында ташы болайым.
Телиге от эт десенг, юйюнге от салыр.
Биреуге аманлыкъ этиб, кесинге игилик табмазса.
Алим болгъандан эсе, адам болгъан къыйынды.
Ашын ашагъанынгы, башын да сыйла.
Халкъны юйю – туугъан джери.
Юйюнгден чыкъдынг – кюнюнгден чыкъдынг.
Ётюрюкню башын керти кесер.
Аджал соруб келмез, келсе, къайтыб кетмез.
Этни бети бла шорпасы.
Ёзденликни джайгъан – джокълукъ.
Ат да турмайды бир териде.
Къонакъ хазыр болгъанлыкъгъа, къонакъбай хазыр тюлдю.
Ачлыкъда тары гырджын халыуадан татлы.
Минг тенг да азды, бир джау да кёбдю.
Адамны адамлыгъы къыйынлыкъда айгъакъланады.
Азыгъы аз, алгъа къабар, аты аман, алгъа чабар.
Уллу къашыкъ эрин джыртар.
Окъумагъан сокъурду, сокъур ташха абыныр!
Бал – татлы, балдан да бала – татлы.
Таугъа чыгъаллыкъ эсенг, тюзде къалма.
Бал ашаргъа сюе эсенг, чибин ургъаннга тёз.
Хантына кёре тузу, юйюне кёре къызы.
Рысхысына кёре, джаш ёсер, къышлыгъына кёре, мал ёсер.
Айранны сюйген, ийнек тутар.
Аман адамны тепсинге олтуртсанг, къызынгы тилер.
Бети бедерден, намыс сакълама.
Къатын байлыкъны сюер, эр саулукъну сюер.
Аманнга алтын чыдамаз.
Къозулугъунда тоймагъан, къойлугъунда тоймаз.
Биреуге кёлтюрген таягъынг, кесинги башынга урур.
Атадан ёксюз – бир ёксюз, анадан ёксюз – эки ёксюз.
Чомарт джарлы болмаз.
Намысы болмагъанны, сыйы болмаз.
Джолда аягъынга сакъ бол, ушакъда тилинге сакъ бол.
Атынг аманнга чыкъгъандан эсе, джанынг тамагъынгдан чыкъсын.
Кюн – узун, ёмюр – къысха.
Эки ойлашыб, бир сёлешген.
Зар адамны насыбы болмаз.
Къатын къылыкъсыз, эр тынчлыкъсыз.
Хунаны тюбюн къазсанг, юсюнге ауар.
Бир онгсуз адам адет чыгъарды, деб эштирик тюлсе.
Юй кюйдю да, кюйюз чыкъды, ортасындан тюйюш чыкъды.
