Арбаз сайлама да, хоншу сайла.
Ач отунчуну ачыуу – бурнунда.
Джарлы эскисин джамаса, къууаныр.
Бир онгсуз адам адет чыгъарды, деб эштирик тюлсе.
Мени джылытмагъан кюн, меннге тиймесин!
Азыкъ аз болса, эртде орун сал.
Къолунгдан къуймакъ ашатсанг да, атаны борчундан къутулмазса.
Ашхылыкъ джерде джатмайды, аманлыкъ суугъа батмайды.
Таукел къуру къалмаз.
Кёпюр салгъан кеси ётер, уру къазгъан кеси кетер.
Таш бла ургъанны, аш бла ур.
Ёзденликни джайгъан – джокълукъ.
Суугъа – таянма, джаугъа – ийнанма.
Экеу тутушса, биреу джыгъылыр.
Къартны сыйын кёрмеген, къартлыгъында сыйлы болмаз.
Къолу уллу – асыу, аягъы уллу – джарсыу.
Ушамагъан – джукъмаз.
Тешик этген тынчды, аны джамагъан къыйынды.
Аман къатын алгъан, арыр, иги къатын алгъан джарыр.
Этек чакъмакълары баш джаргъан, сёлешген сёзлери таш джаргъан.
Бастасын ашагъан, хантусун да ичер.
Атадан ёксюз – бир ёксюз, анадан ёксюз – эки ёксюз.
Башы джабылгъан челекге, кир тюшмез.
Эшекге миннген – биринчи айыб, андан джыгъылгъан – экинчи айыб.
Къарнынг тойгъунчу аша да, белинг талгъынчы ишле.
Чабакъгъа акъыл, табагъа тюшсе келеди.
Алтыда кюлмеген, алтмышда кюлмез.
Суу да къайтады чыкъгъан джерине.
Таукел адам тау тешер.
Махтаннган къыз, тойда джукълар.
Ёпкелегенни ашы татлы болады.
Тил бла келеди джыр да.
Арба аугъандан сора, джол кёргюзтюучю кёб болур.
Ана кёлю – балада, бала кёлю – талада.
Иги бла джюрюсенг, джетерсе муратынга, аман бла джюрюсенг, къалырса уятха.
Къайтырыкъ эшигинги, къаты уруб чыкъма.
Адам туугъан джеринде, ит тойгъан джеринде.
Кесинге джетмегенни, кёб сёлешме.
Окъумагъан сокъурду, сокъур ташха абыныр!
Босагъагъа джууукъ орун болса, ашыгъыб тёрге озма.
Айтханы чапыракъдан ётмеген.
Джумушакъ сёз къаты таякъны сындырыр.
Ётюрюк хапар аякъ тюбю бла джюрюйдю.
Ач къарным, тынч къулагъым.
Ашха уста, юйюнде болсун
Тилчиден кери бол.
Къар – келтирди, суу – элтди.
Ашхы болсанг, атынг чыгъар, аман болсанг, джанынг чыгъар.
Кёз – сюйген джерде, къол – ауругъан джерде.
Биреуге кёлтюрген таягъынг, кесинги башынга урур.
