Окъугъанны бети джарыкъ.
Ата Джуртун танымагъан, атасын да танымаз.
Джылар джаш, атасыны сакъалы бла ойнар.
Баш болса, бёрк табылыр.
Сёлеш деб шай берген, тохта деб, сом берген.
Къыз келсе, джумуш эте келеди, къатын келсе, ушакъ эте келеди.
Джашда акъыл джокъ, къартда къарыу джокъ.
Босагъагъа джууукъ орун болса, ашыгъыб тёрге озма.
Уллу атлама – абынырса, уллу къабма – къарылырса.
Артына баргъанны, къатына барма.
Халкъны джырын джырласанг, халкъ санга эжиу этер.
Эл тойса, тоймагъан, эл къойса, къоймагъан.
Минг тенг да азды, бир джау да кёбдю.
Ашатыргъа иш – ашхы, ишлетирге аш – ашхы.
Ата Джуртча джер болмаз, туугъан элча эл болмаз.
Къарны аманнга къазан такъдырма, къолу аманнга от джакъдырма.
Чомартха хар кюн да байрамды.
Тюкюрюк баш джармаз, налат кёз чыгъармаз!
Джангыз торгъай джырламаз.
Адеб этмеген, адеб кёрмез.
Ач да бол, токъ да бол – намысынга бек бол.
Адам къаллай бир ишленмесе, аллай бир кесин уллу кёреди.
Азыкълы ат арымаз, къатыны аман джарымаз.
Кютгени беш эчки, сызгъыргъаны уа, джерни джарады.
Ашлыкъ – бюртюкден, джюн – тюкден.
Чабакъ башындан чирийди.
Байлыкъдан саулукъ ашхыды.
Ким бла джюрюсенг, аны кёзю бла кёрюнюрсе.
Ач уят къоймаз.
Ётюрюкню къуйругъу – бир тутум.
Джюз элде джюз ёгюзюм болгъандан эсе, джюз джууугъум болсун.
Джерни букъусу кёкге къонмаз.
Онгсузну – джакъла, тенгликни – сакъла.
Чомартны къолун джокълукъ байлар.
Къоркъакъны кёзю экили кёрюр.
Хантына кёре тузу, юйюне кёре къызы.
Алтыннга тот къонмаз.
Сютден ауузу кюйген, суугъа юфгюре эди.
«Ма», - дегенни билмесенг, «бер», - дегенни билмезсе.
Малны кют, джерни тюрт.
Окъумагъан сокъурду, сокъур ташха абыныр!
Ариу сёз джыланны орнундан чыгъарыр.
Аш кетер да бет къалыр.
Аман адам этегингден тутса, кес да къач.
Шекер бла туз – бир болмаз, ушамагъан – юй болмаз.
Джаш болсун, къыз болсун, акъылы, саны тюз болсун.
Мухар, кеси тойса да, кёзю тоймаз.
Джангыз терек къынгыр ёсер.
Уллу суу бла уллу ауруудан башынгы сакъла.
Къайтырыкъ эшигинги, къаты уруб чыкъма.
