Расширенный поиск
6 Декабря  2023 года
Логин: Регистрация
Пароль: Забыли пароль?
  • Арба аугъандан сора, джол кёргюзтюучю кёб болур.
  • Кёбню кёрген – кёб билир.
  • Чабакъсыз кёлге къармакъ салгъанлыкъгъа, чабакъ тутмазса.
  • Аман адам элни бир-бирине джау этер.
  • Ичимден чыкъды хата, къайры барайым сата?
  • Ариу джол аджал келтирмез.
  • Ач отунчуну ачыуу – бурнунда.
  • Тёзгеннге, джабылгъан эшик ачылыр.
  • Хатерли къул болур.
  • Зар адам ашынгы ашар, кесинги сатар.
  • Кеси юйюмде мен да ханма.
  • Ат да турмайды бир териде.
  • Бермеген къол, алмайды.
  • Аман эсирсе, юйюн ояр.
  • Эл бла кёргенинг эрелей.
  • Кесине гебен этелмеген, биреуге черен эте эди.
  • Къонакъ хазыр болгъанлыкъгъа, къонакъбай хазыр тюлдю.
  • Чыбыкълыкъда бюгюлмеген, къазыкълыкъда бюгюлмей эди.
  • Къарнынг тойгъунчу аша да, белинг талгъынчы ишле.
  • Кюн – узун, ёмюр – къысха.
  • Тили узунну, намысы – къысха.
  • Бозанг болмагъан джерге, къалагъынгы сукъма.
  • Иги болса, тамадама – махтау, аман болса, меннге – айыб.
  • Билими азны – ауузунда кирит.
  • Джылар джаш, атасыны сакъалы бла ойнар.
  • Экиндини кеч къылсанг, чабыб джетер ашхам.
  • Бет бетге къараса, бет да джерге къарар.
  • Алтыннга тот къонмаз.
  • Тойчу джашха къарама, къойчу джашха къара.
  • Керти сёзге тёре джокъ.
  • Ашхы адам – халкъ байлыгъы, ашхы джер – джашау байлыгъы.
  • Къайгъыны сюйген, къайгъы табар.
  • Суу кетер, таш къалыр.
  • Билим насыб берир, билим джолну керир.
  • Гырджын – тепсини тамадасы.
  • Игиге айтсанг – билир, аманнга айтсанг – кюлюр.
  • Ёмюрлюк шохлукъну джел элтмез.
  • Сабийликде юретмесенг, уллу болса – тюзелмез.
  • Сакъламагъан затынга джолукъсанг, не бек къууанаса, не бек ачыйса.
  • Артына баргъанны, къатына барма.
  • Окъумагъан сокъурду, сокъур ташха абыныр!
  • Сёз садакъдан кючлюдю.
  • Адам туугъан джеринде, ит тойгъан джеринде.
  • Ишлегенде эринме, ишде чолакъ кёрюнме.
  • Юй кюйдю да, кюйюз чыкъды, ортасындан тюйюш чыкъды.
  • Ишленмеген джаш – джюгенсиз ат, ишленмеген къыз – тузсуз хант.
  • Таукелге нюр джауар.
  • Эркиши – от, тиширыу – суу.
  • Ишни аллы бла къууанма да, арты бла къууан.
  • Тюзлюк шохлукъну бегитир.