Расширенный поиск
27 Февраля  2024 года
Логин: Регистрация
Пароль: Забыли пароль?
  • Этек чакъмакълары баш джаргъан, сёлешген сёзлери таш джаргъан.
  • Чабакъсыз кёлге къармакъ салгъанлыкъгъа, чабакъ тутмазса.
  • Телиге от эт десенг, юйюнге от салыр.
  • Эркишини аманы тиширыуну джылатыр.
  • Башы джабылгъан челекге, кир тюшмез.
  • Сёлеш деб шай берген, тохта деб, сом берген.
  • Иги адам абынса да, джангылмаз.
  • Арбаз къынгырды да, ийнек сауалмайма.
  • Сабыр джетер муратха, сабырсыз къалыр уятха.
  • Кийимни бичсенг, кенг бич, тар этген къыйын тюлдю.
  • Акъыл аздырмаз, билим тоздурмаз.
  • Джылкъыдан – ат чыгъар, тукъумдан – джаш чыгъар.
  • Малны кют, джерни тюрт.
  • Къарт айтханны этмеген, къартаймаз.
  • Булут кёкге джарашыу, уят бетге джарашыу.
  • Уруну арты – къуру.
  • Этим кетсе да, сюегим къалыр.
  • Къартха ушагъан джаш – акъыллы, джашха ушагъан къарт – тели.
  • Бетинги сатма, малынгы сат.
  • Орну джокъну – сыйы джокъ.
  • Таукел тауну аудурур.
  • Окъдан джара эртде-кеч болса да бителир, сёз джара, ёмюрге къалыр.
  • Чёбню кёлтюрсенг, тюбюнден сёз чыгъар.
  • Тёрде – темир таякълы, къаяда – чыпчыкъ аякълы.
  • Джумушакъ терекни къурт ашар.
  • Къан бла кирген, джан бла чыгъар.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Баш болса, бёрк табылыр.
  • Огъурлуну сёзю – суу, огъурсузну сёзю – уу.
  • Хазыр ашха – терен къашыкъ.
  • Шекер бла туз – бир болмаз, ушамагъан – юй болмаз.
  • Адам къыйынлыгъын кёлтюрюр, зауукълугъун кёлтюрмез.
  • Нафысынгы айтханын этме, намысынгы айтханын эт.
  • Ач бёрюге мекям джокъ.
  • Къызгъанчдан ычхыныр, мухардан ычхынмаз.
  • Арыгъан къош чамчы болур.
  • Акъылсызны джууукъгъа алма, акъыллыны кенгнге салма.
  • Къайгъыны сюйген, къайгъы табар.
  • Байлыкъ адамны сокъур этер.
  • Джюрекге ариу – кёзге да ариу.
  • Ариу сёз джыланны орнундан чыгъарыр.
  • Билимден уллу байлыкъ джокъду.
  • Окъумагъан сокъурду, сокъур ташха абыныр!
  • Аз сёлеш, кёб ишле.
  • Юй ишлеген балта эшикде къалыр.
  • Ашхы сёз таш тешер.
  • Ачыкъ джюрекге джол – ачыкъ.
  • Ашхы – джыяр, аман – джояр.
  • Байны оноуу, джарлыгъа джарамаз.
  • Хатерли къул болур.

Родина

Альбомов - 2

Фотографий - 210

Сортировать по: