- Татлы тилде – сёз ариу, чемер къолда – иш ариу.
- Ханы къызы буюгъа-буюгъа киштик болду.
- Окъугъан озар, окъумагъан тозар.
- Джарлы тюеге минсе да, ит къабар.
- Эки итни арасына сюек атма, эки адамны арасында сёз чыгъарма.
- Адамны аманы адамны бети бла ойнар.
- Ойнаб айтсанг да, эслеб айт.
- Элге къуллукъ этмеген, элге ие болмаз.
- Окъумагъан сокъурду, сокъур ташха абыныр!
- Джюрек кёзден алгъа кёрюр.
- Акъыл бла адеб эгизледиле.
- Иги сёз – джаннга азыкъ, аман сёз башха – къазыкъ.
- Чыбыкълыкъда бюгюлмеген, къазыкълыкъда бюгюлмей эди.
- Ана кёлю – балада, бала кёлю – талада.
- Бети – къучакълар, джюреги – бычакълар.
- Кийимни бичсенг, кенг бич, тар этген къыйын тюлдю.
- Накъырда – кертини келечиси.
- Кёбден умут этиб, аздан къуру къалма.
- Бал чибинни ургъаны – ачы, балы – татлы.
- Ариу сёз джыланны орнундан чыгъарыр.
- Хансыз джомакъ болмаз.
- Джашлыкъ этмеген, башлыкъ этмез.
- Эл ауузу – элек, анга ийнаннган – халек.
- Кюл тюбюндеги от кёрюнмейди.
- Адам къаллай бир ишленмесе, аллай бир кесин уллу кёреди.
- Чакъырылгъанны аты, чакъырылмагъанны багъасы болур.
- Алгъанда – джууукъ, бергенде – джау.
- Къызбайны юйюне дери сюрсенг, батыр болур.
- Бюгюн дуния кибик, тамбла ахыратды.
- Иги адам абынса да, джангылмаз.
- Намысы джокъну – дуниясы джокъ.
- Харам къарнашдан, халал тенг ашхы.
- Соргъан айыб тюлдю, билмеген айыбды.
- Тёрдеги кюлсе, эшикдеги ышарыр.
- Къатын къылыкъсыз, эр тынчлыкъсыз.
- Тёгюлген тюгел джыйылмайды.
- Джукъу тёшек сайламайды.
- Эки ойлашыб, бир сёлешген.
- Биреуге аманлыкъ этиб, кесинге игилик табмазса.
- Тулпарлыкъ, билекден тюл – джюрекден.
- Акъыллы эркиши атын махтар, акъылсыз эркиши къатынын махтар.
- Байны оноуу, джарлыгъа джарамаз.
- Къуллукъчума, деб махтанма, къуллукъ – хаух джамчыды!
- Сютден ауузу кюйген, суугъа юфгюре эди.
- Джигер – джаннга къыйынлыкъ.
- Аууздан келген, къолдан келсе, ким да патчах болур эди.
- Тилсиз миллет джокъ болур.
- Ашатыргъа иш – ашхы, ишлетирге аш – ашхы.
- Ишге юренсин къоллары, халкъ бла болсун джоллары.
- Ётген ёмюр – акъгъан суу.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)