- Адебсиз адам – джюгенсиз ат.
- Чабакъ башындан чирийди.
- Ач келгенни – тойдур, кеч келгенни – къондур.
- Кирсизни – саны таза, халалны – къаны таза.
- Билмегенинги, билгеннге сор.
- Бети бедерден, намыс сакълама.
- Къызгъанчдан ычхыныр, мухардан ычхынмаз.
- Къыз келсе, джумуш эте келеди, къатын келсе, ушакъ эте келеди.
- Башсыз урчукъ тюзюне айланмаз.
- Накъырданы арты керти болур.
- Иги джашны ышаны – аз сёлешиб, кёб тынгылар.
- Сагъыш – къартлыкъгъа сюйюмчю.
- Къарт болгъан джерде, берекет болур, сабий болгъан джерде, оюн болур.
- Таукел къуру къалмаз.
- Атлыны кёрсе, джаяуну буту талыр.
- Аманны къуугъан, аманлыкъ табар.
- Суугъа – чабакъ, къаягъа – ыргъакъ.
- Керек ташны ауурлугъу джокъ.
- Аман адамны тепсинге олтуртсанг, къызынгы тилер.
- Ышармагъан – кюлмез, кюлмеген – къууанчны билмез.
- Хар ишни да аллы къыйынды.
- Акъыл сабырлыкъ берир.
- Магъанасыз сёз – тауушсуз сыбызгъы.
- Болджал ишни бёрю ашар.
- Къыйынлы джети элни къайгъысын этер.
- Иги болса, тамадама – махтау, аман болса, меннге – айыб.
- Ашхылыкъ джерде джатмайды, аманлыкъ суугъа батмайды.
- Ач къалгъандан, кеч къалгъан къолай.
- Эркишиге тары кебек танг кёрюнюр.
- Чакъырылмагъан джерге барма, чакъырылгъан джерден къалма.
- Дженгил джетерикме деб, узун джолну къоюб, къысхасын барма.
- Гугук кесини атын айтыб къычыргъанча, мен, мен деб нек тураса?
- Чомартны къолун джокълукъ байлар.
- Таукелге нюр джауар.
- Ёлюр джаннга, ёкюл джокъ.
- Ашхы болсанг, атынг чыгъар, аман болсанг, джанынг чыгъар.
- Аш кетер да бет къалыр.
- Къарт айтханны этмеген, къартаймаз.
- Кёкдеги болмаса, джердегин кёрмейди.
- Ашда – бёрю, ишде – ёлю.
- Ашаса, ашамаса да, бёрюню ауузу – къан.
- Бал чибинни ургъаны – ачы, балы – татлы.
- Окъумагъан сокъурду, сокъур ташха абыныр!
- Аз айтсам, кёб ангылагъыз.
- Эм ашхы къайын ана мамукъ бла башынгы тешер.
- Эки итни арасына сюек атма, эки адамны арасында сёз чыгъарма.
- Ишлегенде эринме, ишде чолакъ кёрюнме.
- Къонагъынгы артмагъын алма да, алгъышын ал.
- Мени джылытмагъан кюн, меннге тиймесин!
- Бастасын ашагъан, хантусун да ичер.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)