Эльбрусоид :: Форум :: Эркин сёз

Къыз чыгъаргъан – къызыл къымжа.
Кёзю сокъурдан – къоркъма, кёлю сокъурдан – къоркъ.
Джаз бир кюнню джатсанг, къыш талай кюнню абынырса.
Бети бедерден, намыс сакълама.
Тойгъан джерден туугъан джер игиди.
Халкъгъа джарагъан, джарлы къалмаз.
Ата – баланы уясы.
Атлыны ашхысы, ат тизгининден билинир
Къошда джокъгъа – юлюш джокъ.
Ата джурт – алтын бешик.
Сескекли кесин билдирир.
Тенгни тенглиги джашай барсанг билинир.
Кирсизни – саны таза, халалны – къаны таза.
Адамны сабийин сюйген джюреги, бычакъча, джитиди.
Баргъанынга кёре болур келгенинг.
Тил джюрекге джол ишлейди.
Бермеген къол, алмайды.
Ёксюзню тилеги къабыл болур.
Керти сёзге тёре джокъ.
«Ёгюз, джаргъа джууукъ барма, меннге джюк боллукъса», - дегенди эшек.
От кюйдюрген, сау болса да, тот кюйдюрген, сау болмаз.
Къумурсхала джыйылсала, пилни да джыгъадыла.
Кимни – тили, тиши онглу, кимни – къолу, иши онглу.
Бир абыннган – минг сюрюнюр.
Аман киши кеси юйюнде – къонакъ.
Тёрде – темир таякълы, къаяда – чыпчыкъ аякълы.
Чакъырылмагъан къонакъ – орунсуз.
Таякъ этден ётер, тил сюекден ётер.
Айранны сюйген, ийнек тутар.
Уллу атлама – абынырса, уллу къабма – къарылырса.
Эте билген, этген этеди, эте билмеген, юретген этеди!
Таш бла ургъанны, аш бла ур.
Джырчы ёлсе, джыры къалыр.
Иесиз малны бёрю ашар.
Ёзденликни джайгъан – джокълукъ.
Ким бла джюрюсенг, аны кёзю бла кёрюнюрсе.
Эски джаугъа ышанма.
Тойну къарнашы – харс, джырны къарнашы – эжиу.
Этек чакъмакълары баш джаргъан, сёлешген сёзлери таш джаргъан.
Баш – акъыл ючюн, акъылман – халкъ ючюн.
Къайгъы тюбю – тенгиз.
Тёгюлген тюгел джыйылмайды.
Таш ата билмеген, башына урур.
Къартны сыйын кёрмеген, къартлыгъында сыйлы болмаз.
Джылкъыдан – ат чыгъар, тукъумдан – джаш чыгъар.
Къонакъ кёб келюучю юйню, къазаны отдан тюшмез.
Къарнынг къанлынга кийирир.
Шекер бла туз – бир болмаз, ушамагъан – юй болмаз.
Уллу сёзде уят джокъ.
Уллу къашыкъ эрин джыртар.

Логин:
Пароль:
	Запомнить меня на этом компьютере

Забыли свой пароль?
Регистрация