Эльбрусоид :: Форум :: Эркин сёз

Къартны сыйын кёрмеген, къартлыгъында сыйлы болмаз.
Къошда джокъгъа – юлюш джокъ.
Джашны джигитлиги сорулур, къызны джигерлиги сорулур.
Джангыз терек къынгыр ёсер.
Насыб бютеу халкъны юлюшюдю.
Кеси юйюмде мен да ханма.
Кийим тукъум сордурур.
Арбаз къынгырды да, ийнек сауалмайма.
Аякъларынгы джууургъанынга кёре узат.
Биреуге кёлтюрген таягъынг, кесинги башынга урур.
Джарлы джети элни сёзюн этер.
Ат да турмайды бир териде.
Хата – гитчеден.
Арпа, будай – ащды, алтын, кюмюш а – ташды.
Ата Джуртча джер болмаз, туугъан элча эл болмаз.
Сабий болмагъан джерде, мёлек болмаз.
Байма, деб да, къууанма, джарлыма, деб да, джылама.
Бозаны арты дауур болур.
Къайгъыны сюйген, къайгъы табар.
Кёбден умут этиб, аздан къуру къалма.
Тиширыусуз юй – отсуз от джагъа.
Эр сокъур болсун, къатын тилсиз болсун.
Иесиз малны бёрю ашар.
Телиге от эт десенг, юйюнге от салыр.
Халкъны юйю – туугъан джери.
Рысхы джалгъанды: келген да этер, кетген да этер.
Суу ичген шауданынга тюкюрме.
Акъыллы – эл иеси, тели – эл баласы.
Башынга джетмегенни сорма.
Окъуу – билимни ачхычы, окъуу – дунияны бачхычы.
Ашхы адам – халкъ байлыгъы, ашхы джер – джашау байлыгъы.
Джыйырма къойну юч джыйырма эбзе кюте эди.
Адеб базарда сатылмаз.
Чомартха хар кюн да байрамды.
Баланы адам этген анады.
Къумурсхала джыйылсала, пилни да джыгъадыла.
Бети бедерден, намыс сакълама.
Акъылсызны джууукъгъа алма, акъыллыны кенгнге салма.
Джылкъыдан – ат чыгъар, тукъумдан – джаш чыгъар.
Адамны сабийин сюйген джюреги, бычакъча, джитиди.
Тыш элде солтан болгъандан эсе, кесинги элде олтан болгъан игиди!
Юйюнг бла джау болгъандан эсе, элинг бла джау бол.
Кюлме джашха – келир башха.
Аджалсыз ёлюм болмаз.
Билмейме деген – бир сёз
Ач да бол, токъ да бол – намысынга бек бол.
Ким бла джюрюсенг, аны кёзю бла кёрюнюрсе.
Окъдан джара эртде-кеч болса да бителир, сёз джара, ёмюрге къалыр.
Сабыр джетер муратха, сабырсыз къалыр уятха.
Эрине къаргъыш этген къатын, эрнин къабар.

Логин:
Пароль:
	Запомнить меня на этом компьютере

Забыли свой пароль?
Регистрация