Эльбрусоид :: Форум :: Эркин сёз

Игини сыйлагъан адетди.
Къулакъдан эсе, кёзге ышан.
Ашлыкъны арба юйге келтирир, чана базаргъа элтир.
Аш кетер да бет къалыр.
Намысы болмагъанны, сыйы болмаз.
Ата джурт – алтын бешик.
Орну джокъну – сыйы джокъ.
Кийим тукъум сордурур.
Кесине гебен этелмеген, биреуге черен эте эди.
Джашны джигитлиги сорулур, къызны джигерлиги сорулур.
Тили узунну, намысы – къысха.
Билмезни кёзю кёрмез, этмезни къулагъы эшитмез.
Элиб деген, элге болушур.
Ач отунчуну ачыуу – бурнунда.
Къонакъ хазыр болгъанлыкъгъа, къонакъбай хазыр тюлдю.
Джетген къыз джерли эшекни танымаз.
Келинни – келгинчи, бёркню кийгинчи кёр.
Ариу сёз аурууунгу алыр.
Ойнаб айтсанг да, эслеб айт.
Чоюнну башы ачыкъ болса, итге уят керекди.
Кёб ант этген, кёб ётюрюк айтыр.
Бозаны арты дауур болур.
Джюз элде джюз ёгюзюм болгъандан эсе, джюз джууугъум болсун.
Ач да бол, токъ да бол – намысынга бек бол.
Тенгинг джокъ эсе – изле, бар эсе – сакъла!
Уллу сёлешме да, уллу къаб.
Ойнай-ойнай кёз чыгъар.
Ана – юйню кюн джарыгъы.
Эки къатын алгъанны къулагъы тынгнгаймаз.
Ата – билек, ана – джюрек!
Аманны эки битли тону болур, бирин сеннге кийдирир, бирин кеси киер.
Ариу сёзде ауруу джокъ.
Тойгъан джерден туугъан джер игиди.
Ач келгенни – тойдур, кеч келгенни – къондур.
Къонагъынгы артмагъын алма да, алгъышын ал.
Адебсиз адам – джюгенсиз ат.
Уллу къашыкъ эрин джыртар.
Кечеси – аяз, кюню – къыш, джарлы къаргъагъа бир аш тюш!
Тюкюрюк баш джармаз, налат кёз чыгъармаз!
Мураты болгъанны джюрек тебюую башхады.
Тюз сёз баргъан сууну тыяр.
Ким бла джюрюсенг, аны кёзю бла кёрюнюрсе.
Миллетни бойну – базыкъ, аны бла кюрешген – джазыкъ.
Джылар джаш, атасыны сакъалы бла ойнар.
Байлыкъ адамны сокъур этер.
Тёрде – темир таякълы, къаяда – чыпчыкъ аякълы.
Зарда марда джокъ.
Иги сеники эсе да, сюйген кесимикин этеме.
Ата – баланы уясы.
Нафысынгы айтханын этме, намысынгы айтханын эт.

Логин:
Пароль:
	Запомнить меня на этом компьютере

Забыли свой пароль?
Регистрация