Эльбрусоид :: Форум :: Архив форумов

Тели турса – той бузар.
Ариу джол аджал келтирмез.
Мухарны эси – ашарыкъда.
Тойгъан антын унутур.
Урама да – ёледи, сатама да – келеди.
Ариу сёз аурууунгу алыр.
Адам боллукъ, атламындан белгили болур.
Суугъа – чабакъ, къаягъа – ыргъакъ.
Кесине гебен этелмеген, биреуге черен эте эди.
Джолда аягъынга сакъ бол, ушакъда тилинге сакъ бол.
Чоюнну башы ачыкъ болса, итге уят керекди.
Къарнынг тойгъунчу аша да, белинг талгъынчы ишле.
Окъугъан озар, окъумагъан тозар.
Гугурук къычырмаса да, тангны атары къалмаз.
Акъыл бла адеб эгизледиле.
Юй кюйдю да, кюйюз чыкъды, ортасындан тюйюш чыкъды.
Ашарыкъда сайлагъаннга – чий гырджын.
Харам къарнашдан, халал тенг ашхы.
Ауузу аманнга «иги», деме.
Тилчи бир сагъатха айлыкъ хата этер.
Элге къуллукъ этмеген, элге ие болмаз.
Ана – юйню кюн джарыгъы.
Таукел тауну аудурур.
Тёрдеги кюлсе, эшикдеги ышарыр.
Дууулдаса – бал чибин, къонса – къара чибин.
Ёлген аслан – сау чычхан.
Иши джокъну, сыйы джокъ.
Рысхы – насыбха къор.
Нёгерсизни джолу узун.
Тюзлюк шохлукъну бегитир.
Этек чакъмакълары баш джаргъан, сёлешген сёзлери таш джаргъан.
Аз сёлешген, къайгъысыз турур.
Эркишини аманы тиширыуну джылатыр.
Аджашханны ызындагъы кёреди, джангылгъанны джанындагъы биледи.
Джылкъыдан – ат чыгъар, тукъумдан – джаш чыгъар.
Джаш болсун, къыз болсун, акъылы, саны тюз болсун.
Узун джолну барсанг, бюгюн келирсе, къысха джолну барсанг, тамбла келирсе.
Окъугъан – асыу, окъумагъан – джарсыу.
Чарсда алчыны эл кёреди.
Ашха уста, юйюнде болсун
«Ма», - дегенни билмесенг, «бер», - дегенни билмезсе.
Бал – татлы, балдан да бала – татлы.
Кечеси – аяз, кюню – къыш, джарлы къаргъагъа бир аш тюш!
Биреу къой излей, биреу той излей.
Хата – гитчеден.
Адамгъа аман кюн соруб келмейди.
Кийим тукъум сордурур.
Тай асырагъан, атха минер.
Дуния малгъа сатылма, кесингден телиге къатылма.
Нарт сёз къарт болмаз.

Логин:
Пароль:
	Запомнить меня на этом компьютере

Забыли свой пароль?
Регистрация