- Алтыннга тот къонмаз.
- Сёз – кюмюш, джыр – алтын.
- Айныгъанлы алты кюн, тогъайгъанлы тогъуз кюн.
- Тойгъан антын унутур.
- Акъыллы эркиши атын махтар, акъылсыз эркиши къатынын махтар.
- Дууулдаса – бал чибин, къонса – къара чибин.
- Келинин тута билмеген, къул этер, къызын тута билмеген, тул этер.
- Башланнган иш битер, къымылдагъан тиш тюшер.
- Кесине оноу эте билмеген, халкъына да эте билмез.
- Ёзденликни кёбю ётюрюк.
- Чакъырылмагъан къонакъ – орунсуз.
- Хунаны тюбюн къазсанг, юсюнге ауар.
- Иги адамны бир сёзю эки болмаз.
- Окъугъан – асыу, окъумагъан – джарсыу.
- Тау башында, тау болмаз, джангыз терек, бау болмаз.
- Ашхылыкъ джерде джатмайды, аманлыкъ суугъа батмайды.
- Кесинге джетмегенни, кёб сёлешме.
- Тёрдеги кюлсе, эшикдеги ышарыр.
- Эл элде бирер малынг болгъандан эсе, бирер тенгинг болсун.
- Джюрекге ариу – кёзге да ариу.
- Чомартха Тейри да борчлуду.
- Байлыкъ болгъан джерде, тынчлыкъ джокъду.
- Сёз къанатсыз учар.
- Кийим тукъум сордурур.
- Адамны аманы адамны бети бла ойнар.
- Алтыда кюлмеген, алтмышда кюлмез.
- Джаралыны джастыгъында сау ёлюр.
- Душманны тышы – акъ, ичи – къара.
- Кюлме джашха – келир башха.
- Эм уллу байлыкъ – джан саулукъ.
- Сабийликде юретмесенг, уллу болса – тюзелмез.
- Аджалсыз ёлюм болмаз.
- Къоркъакъны кёзю экили кёрюр.
- Чомартны къолу берекет.
- Сабий болмагъан джерде, мёлек болмаз.
- Адам туугъан джеринде, ит тойгъан джеринде.
- Ат да турмайды бир териде.
- Кёкдеги болмаса, джердегин кёрмейди.
- Юйлю уругъа ит чабмаз.
- Уллу суу бла уллу ауруудан башынгы сакъла.
- Ойнай-ойнай кёз чыгъар.
- Иши джокъну, сыйы джокъ.
- Джумушакъ сёз къаты таякъны сындырыр.
- Экеу тутушса, биреу джыгъылыр.
- Нёгерсизни джолу узун.
- Аллахха ийнаннган кишини, Аллах онгдурур ишин.
- Акъыл сабырлыкъ берир.
- Къаллай салам берсенг, аллай джууаб алырса.
- Эркишини аманы тиширыуну джылатыр.
- Ашлыкъны арба юйге келтирир, чана базаргъа элтир.
Профиль
|
|
|
|||