Джумушакъ сёз къаты таякъны сындырыр.
Къарнынг тойгъунчу аша да, белинг талгъынчы ишле.
Акъыллы эркиши атын махтар, акъылсыз эркиши къатынын махтар.
Ётген ёмюр – акъгъан суу.
Ашха уста, юйюнде болсун
Къарт айтханны этмеген, къартаймаз.
Чабакъсыз кёлге къармакъ салгъанлыкъгъа, чабакъ тутмазса.
Джарлы джети элни сёзюн этер.
Къарт бла баш аша, джаш бла аякъ аша.
Билмезни кёзю кёрмез, этмезни къулагъы эшитмез.
Мухар, кеси тойса да, кёзю тоймаз.
Нафысынгы айтханын этме, намысынгы айтханын эт.
Ишлегенден, къарагъан уста.
Кюлме джашха – келир башха.
Эр сокъур болсун, къатын тилсиз болсун.
Ач да бол, токъ да бол – намысынга бек бол.
Ойнай билмеген, оюн бузар.
Джаханимни кёрмей, джандетге кёл салмазса.
Окъ къызбайны джокълайды.
Тёрени джагъы джокъ.
Башы ишлегенни, ауузу да ишлер.
Кёб къычыргъандан – къоркъма, тынч олтургъандан – къоркъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ауузу аманнга «иги», деме.
Магъанасыз сёз – тауушсуз сыбызгъы.
Аманны эки битли тону болур, бирин сеннге кийдирир, бирин кеси киер.
Битмегеннге сакъал – танг.
Джангыз терек къынгыр ёсер.
Джолунга кёре – джюрюшюнг, джагъанга кёре – юлюшюнг.
Мени джылытмагъан кюн, меннге тиймесин!
Кёбден умут этиб, аздан къуру къалма.
Джаш болсун, къыз болсун, акъылы, саны тюз болсун.
Акъыл неден да кючлюдю.
Къарт болгъан джерде, берекет болур, сабий болгъан джерде, оюн болур.
Ётюрюкден тюбю джокъ, кёлтюрюрге джиби джокъ.
Аманнга игилик этсенг, юйюнге сау бармазса.
Рысхысына кёре, джаш ёсер, къышлыгъына кёре, мал ёсер.
Окъуусуз билим – джокъ, билимсиз кюнюнг – джокъ.
Ауругъанны сау билмез, ач къарынны токъ билмез.
Ишлерге уял да, ашаргъа табма.
Аман адам этегингден тутса, кес да къач.
Билим насыб берир, билим джолну керир.
Аз айтсам, кёб ангылагъыз.
Босагъа таш юйге кирмей эди, тыбыр таш эшикге чыкъмай эди.
Тенгинг джокъ эсе – изле, бар эсе – сакъла!
Чомартны къолун джокълукъ байлар.
Кёкдеги болмаса, джердегин кёрмейди.
Тилсиз миллет джокъ болур.
Тин – байлыгъынг, терен саулугъунг.
Джюрекге ариу – кёзге да ариу.
