- Ачны эсинде – аш.
- Джуртун къоругъан озар.
- Эри аманны, къатыны – аман.
- Джол бла сёзню къыйыры джокъ.
- Чакъырылмай келген къонакъ сыйланмай кетер.
- Ишлерге уял да, ашаргъа табма.
- Этни бети бла шорпасы.
- Термилгенинги табмазса, кюлгенинге тюберсе.
- Мал ёлсе, сюек къалыр, адам ёлсе, иши къалыр.
- Сабий кёргенин унутмаз.
- Оюмсуз атлагъан, аджалсыз ёлюр.
- Тилчи тилден къаныкъмаз.
- Мураты болгъанны джюрек тебюую башхады.
- Баш – акъыл ючюн, акъылман – халкъ ючюн.
- Иги – алгъыш этер, аман – къаргъыш этер.
- Ата Джуртуму башы болмасам да, босагъасында ташы болайым.
- Борчунг бар эсе, хурджунунга ойлаб узал.
- Ата Джуртча джер болмаз, туугъан элча эл болмаз.
- Чабакъгъа акъыл, табагъа тюшсе келеди.
- Азыкълы ат арымаз, къатыны аман джарымаз.
- Тилде сюек болмаса да, сюек сындырыр.
- Айырылгъанланы айю ашар, бёлюннгенлени бёрю ашар.
- Кёб джат да, бек чаб.
- Къонакъ кёб келюучю юйню, къазаны отдан тюшмез.
- Ашхы атаны – джашы ашхы, ашхы ананы – къызы ашхы.
- Къыз келсе, джумуш эте келеди, къатын келсе, ушакъ эте келеди.
- Ана къойну – балагъа джандет.
- Биреуню къыйынлыгъы бла кесинге джол ишлеме.
- Бет бетге къараса, бет да джерге къарар.
- Башланнган иш битер, къымылдагъан тиш тюшер.
- Юйлю уругъа ит чабмаз.
- Айыбны суу бла джууалмазса.
- Тенгинг джокъ эсе – изле, бар эсе – сакъла!
- Кийимни бичсенг, кенг бич, тар этген къыйын тюлдю.
- Аман адам этегингден тутса, кес да къач.
- Агъач халкъгъа алтынды, иссиликге салкъынды.
- Джарашыу сюйген – джалынчакъ.
- Адамны аманы адамны бети бла ойнар.
- Эл тойса, тоймагъан, эл къойса, къоймагъан.
- Аман къатын сабий табса, бий болур…
- Акъыл къартда, джашда тюйюлдю – башдады.
- Эки итни арасына сюек атма, эки адамны арасында сёз чыгъарма.
- Тулпарлыкъ, билекден тюл – джюрекден.
- Кёзден кетген, кёлден да кетеди.
- Мухарны эси – ашарыкъда.
- Джюз элде джюз ёгюзюм болгъандан эсе, джюз джууугъум болсун.
- Къызбайны юйюне дери сюрсенг, батыр болур.
- Ёзденликни джайгъан – джокълукъ.
- Сыфатында болмагъаны, суратында болмаз.
- Къарт бла баш аша, джаш бла аякъ аша.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72