Эльбрусоид :: Форум

Джетген къыз джерли эшекни танымаз.
Ётюрюкню башын керти кесер.
Кёзюнде тереги болгъан, чёбю болгъаннга кюле эди.
Кеси юйюмде мен да ханма.
Хазыр ашха – терен къашыкъ.
Бет бетге къараса, бет да джерге къарар.
Чомарт къонакъ юй иесин сыйлар.
Акъыллы айтыр эди, акъылсыз къоймайды.
Къобан да къуру да къобханлай турмайды, адам да къуру да патчахлай турмайды.
Аман эсирсе, юйюн ояр.
Чакъырылмагъан джерге барма, чакъырылгъан джерден къалма.
Джаз бир кюнню джатсанг, къыш талай кюнню абынырса.
Баш – акъыл ючюн, акъылман – халкъ ючюн.
Аман къатын сабий табса, бий болур…
Сёз – кюмюш, джыр – алтын.
Ашда уялгъан – мухар, ишде уялгъан – хомух.
Эр абынмай, эл танымаз.
Шекер бла туз – бир болмаз, ушамагъан – юй болмаз.
Ханы къызы буюгъа-буюгъа киштик болду.
Азыкъ аз болса, эртде орун сал.
Тёрени джагъы джокъ.
Джырына кёре эжиую.
Болджал ишни бёрю ашар.
Бал чибинни ургъаны – ачы, балы – татлы.
Джол бла сёзню къыйыры джокъ.
Кёзю сокъурдан – къоркъма, кёлю сокъурдан – къоркъ.
Ариу сёз – къылычдан джити.
Тойгъандан сора, ашны сёкме.
Джарлы джети элни сёзюн этер.
Къартны бурнун сюрт да, оноугъа тут.
Тил – миллетни джаны.
Татлы сёз – балдан татлы.
Къазанда болса, чолпугъа чыгъар.
Иги сеники эсе да, сюйген кесимикин этеме.
Адамны адамлыгъы къыйынлыкъда айгъакъланады.
Телиге акъыл салгъандан эсе, ёлгеннге джан салырса.
Минг тенг да азды, бир джау да кёбдю.
Махтаннган къыз, тойда джукълар.
Тойгъа алгъа да барма, тойда артха да къалма.
Алтыннга тот къонмаз.
Чалманны аллы къалай башланса, арты да алай барады.
Адеб этмеген, адеб кёрмез.
Намысы болмагъанны, сыйы болмаз.
Кёзню ачылгъаны – иги, ауузну джабылгъаны – иги.
Чыбыкълыкъда бюгюлмеген, къазыкълыкъда бюгюлмей эди.
Айтхан сёзюне табылгъан.
Эли джокъну – кёлю джокъ.
Окъ къызбайны джокълайды.
Къайтырыкъ эшигинги, къаты уруб чыкъма.
Къызгъанчдан ычхыныр, мухардан ычхынмаз.

Логин:
Пароль:
	Запомнить меня на этом компьютере

Забыли свой пароль?
Регистрация