- Ойнаб айтсанг да, эслеб айт.
- Арбаз сайлама да, хоншу сайла.
- Сёз садакъдан кючлюдю.
- Тамчы таш тешер.
- Сангырау къулакъ эл бузар.
- Ана кёлю – балада, бала кёлю – талада.
- Аз сёлешген, къайгъысыз турур.
- Тёрде – темир таякълы, къаяда – чыпчыкъ аякълы.
- Байлыкъ келсе, акъыл кетер.
- Башы ишлегенни, ауузу да ишлер.
- Окъугъан озар, окъумагъан тозар.
- Акъыллы башны – тили къысха.
- Кёл ашады да, кеси ашады.
- Ёлмесенг да, къарт дамы болмазса?
- Термилгенинги табмазса, кюлгенинге тюберсе.
- Къарт болгъан джерде, берекет болур, сабий болгъан джерде, оюн болур.
- Чомарт джарлы болмаз.
- Бал чибинни ургъаны – ачы, балы – татлы.
- Гырджын – тепсини тамадасы.
- Ата джурт – алтын бешик.
- Джарлы эскисин джамаса, къууаныр.
- Аманнга да, игиге да оноусуз къатышма.
- Эр сокъур болсун, къатын тилсиз болсун.
- Ачлыкъда тары гырджын халыуадан татлы.
- Къартха ушагъан джаш – акъыллы, джашха ушагъан къарт – тели.
- Сютню башын джалагъан къутулур, тюбюн ичген тутулур.
- Ауурну тюбю бла, дженгилни башы бла джюрюген.
- Джаным-тиним – окъуу, билим.
- Ариу сёз – джаннга азыкъ, аман сёз – башха къазыкъ.
- Нарт сёз къарт болмаз.
- Эски джаугъа ышанма.
- Къыз келсе, джумуш эте келеди, къатын келсе, ушакъ эте келеди.
- Кёлю джокъну – джолу джокъ.
- Ариу сёз аурууунгу алыр.
- Джумушакъ сёз къаты таякъны сындырыр.
- Сескекли кесин билдирир.
- Бюгюн дуния кибик, тамбла ахыратды.
- Сормай – алма, чакъырылмай – барма.
- Таш ата билмеген, башына урур.
- Чабакъсыз кёлге къармакъ салгъанлыкъгъа, чабакъ тутмазса.
- Иги сеники эсе да, сюйген кесимикин этеме.
- Уллу къашыкъ эрин джыртар.
- Тау башында, тау болмаз, джангыз терек, бау болмаз.
- Тешик этген тынчды, аны джамагъан къыйынды.
- Къарнынг тойгъунчу аша да, белинг талгъынчы ишле.
- Эркишини аманы тиширыуну джылатыр.
- Кёбден умут этиб, аздан къуру къалма.
- Ач бёрюге мекям джокъ.
- Шекер бла туз – бир болмаз, ушамагъан – юй болмаз.
- Кёбге таш атма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72